સારસિદ્ધિ
કડવું - ૪૮
સારસિદ્ધિ સુંદર ગ્રંથ છે સારોજી, સહુ શાણા મનમાં વિચારોજી
પ્રગટ ઉપાસીને લાગશે પ્યારોજી, દુઃખ ટળી સુખનો આવશે વારોજી
વારો આવશે સુખનો, સાંભળતામાં સાર શિરોમણિ ॥
પ્રીત થાશે પ્રભુ પ્રગટમાં, ઘનશ્યામ માંઈ ઘણી ઘણી ॥૨॥
અન્ય સુખથી મન ઉતારી, પ્રગટમાં સુખ પેખશે ॥
લોકાલોકની1 લાલચ્ય મેલી, સુખ ધર્મસુતમાં લેખશે2 ॥૩॥
જગસુખ અભાવની જુગતી, અતિ કહિ છે જો કથીકથી ॥
સમજ્યા સરખી સુલભ છે, વાત અતિ રતી3 ઊંડી નથી ॥૪॥
વૈરાગ્ય ભક્ત ધર્મની, વાત સારી પેઠ્યે સૂચવી ॥
જ્ઞાનની પણ થોડી ઘણી, ચોકસપણે ચોખી ચવી4 ॥૫॥
અસંત સંતની વારતા, તેહ પણ કાંઈક કહી છે ॥
સાંગોપાંગ સમજવા, ઘણી ઘણી ગ્રંથોમાં રહી છે ॥૬॥
સાર સાર શોધી કહ્યું, જે જે જાણ્યામાં મારે આવિયું ॥
તેહ તેહ તપાસી તને મને, કાંઈક કાંઈક કા’વિયું ॥૭॥
મુમુક્ષુને મગન કરવા, આમાં વાત છે વિધવિધની ॥
નથી છાની છે વાત છતી,5 પ્રભુ પ્રગટ પ્રસિદ્વની ॥૮॥
ખરા ખપવાળાને ખોળતાં, માનો વાત આવી તે મળે નહિ ॥
ત્યાર તરછટ6 તાંદુલા,7 કરી દીધા છે સુંદર લહિ ॥૯॥
આ ગ્રંથ ગાશે સુણશે, રે’શે એમાં કહ્યું એવી રીત ॥
નિષ્કુળાનંદ એ નરનાં, ઊઘડશે ભાગ્ય અમિત8 ॥૧૦॥