ભક્તિનિધિ
કડવું – ૧૯
રાગ: ધન્યાશ્રી
કમાણી કહો ક્યાં થકી થાયજી, નરે ન કર્યો કોઈ એવો ઉપાયજી ।
જે જે કર્યું તે ભર્યું દુઃખ માંયજી, તે કેમ કરી કરે સેવામાં સા’યજી ॥૧॥
રાગ: ઢાળ
સા’ય ન થાય ભૂંડપની ભક્તિએ, કોઈ કરે જો કોટિ ઘણી ।
પરિચર્યા1 પામર નરની, તે સર્વે સામગ્રી સંકટતણી ॥૨॥
ઉનાળે પે’રાવે ઊનનાં અંબર, ગરમ ઓઢાડે વળી ગોદડું ।
સમીપે કરી લાવે સગડી, કહો એથી અવળું શું વડું? ॥૩॥
વળી પે’રાવે ગરમ પોશાગને, જમાડે ગરમ ભોજન ।
પાય પાણી ઊનું આણી, કહે પ્રભુ થાઓ પ્રસન્ન ॥૪॥
જાવંત્રી કસ્તુરી ગરમ લાવી, આપે ઉનાળે એવો મુખવાસ ।
એવી સેવા કરે વણ સમજે, તે શત્રુ સરીખો દાસ ॥૫॥
ચોમાસે ચલાવે કીચ2 વચ્ચે, જેમાં સૂળ્યોના હોય સમોહ ।
એવા દાસ દુશ્મન જેવા, જે કરાવે ધણીને કોહ3 ॥૬॥
શિયાળે શીતળ જળ લઈ, નવરાવે કરીને નીરાંત ।
પછી ઓઢાડે પલળેલી પાંબડી,4 નાખે પવન ખરી કરી ખાંત5 ॥૭॥
વળી ચર્ચે ચંદન મળિયાગરી, કંઠે પે’રાવે ભીંજેલ6 હાર ।
પ્રસન્ન કરે કેમ પ્રગટ પ્રભુને, એવી સેવાના કરનાર ॥૮॥
સવળી સામગ્રી શોધતાં, અવલોકે ન મળે એક ।
અણ સમઝણે એવી સેવા, કરવી નહિ સેવક ॥૯॥
જો આવડે તો જોઈ સમયે, સેવા કરવી સુજાણ ।