કીર્તન મુક્તાવલી
જનમ સંગાથી વિસાર્યા જગદીશને રે
૨-૧૦૮૯: સદ્ગુરુ દેવાનંદ સ્વામી
Category: ઉપદેશનાં પદો
પદ ૧
જનમ સંગાથી વિસાર્યા જગદીશને રે,
એળે ખોયો માણસનો અવતાર રે,
સગું નથી કોઈ જાણે તારા જીવનું રે,
સુપના જેવો જુઠો આ સંસાર રે... જનમ ૧
ડાયો થઈને ડોલે નિર્લજ નાત્યમાં રે,
મરમ કરીને મિથ્યા બોલે વેણ રે,
શેરીમાં મરડાતો ચાલે માનમાં રે,
રાતાં દિસે રોષ ભરેલાં નેણ રે... જનમ ૨
નારી આગળ એક રતિ નવ ઉપજે રે,
ડા’પણ મેલી જ્યાં દોરે ત્યાં જાય રે,
નિર્લજ થઈને નાચે કુબુદ્ધિ કેણમાં રે,
વિષે ભરેલો ગરજુ ગોથા ખાય રે... જનમ ૩
અંતરમાં કપટીને ઊંડી ઇરષા રે,
સાધુ જનનો લેશ ન કીધો સંગ રે,
દેવાનંદ કહે જમ જોરાવર આવશે રે,
ભુકો કરશે ભાંગી તારું અંગ રે... જનમ ૪
Janam sangāthī visāryā Jagdīshane re
2-1089: Sadguru Devanand Swami
Category: Updeshna Pad
Pad 1
Janam sangāthī visāryā Jagdīshane re,
Eḷe khoyo māṇasno avatār re,
Sagu nathī koī jāṇe tārā jīvanu re,
Supanā jevo juṭho ā sansār re... Janam 1
Ḍāyo thaīne ḍole nirlaj nātyamā re,
Maram karīne mithyā bole veṇ re,
Sherīmā maraḍāto chāle mānmā re,
Rātā dise roṣh bharelā neṇ re... Janam 2
Nārī āgaḷ ek rati nav upaje re,
Ḍā’paṇ melī jyā dore tyā jāya re,
Nirlaj thaīne nāche kubuddhi keṇmā re,
Viṣhe bharelo garaju gothā khāya re... Janam 3
Antarmā kapaṭīne ūnḍī iraṣhā re,
Sādhu janno lesh na kīdho sang re,
Devānand kahe jam jorāvar āvashe re,
Bhuko karashe bhāngī tāru ang re... Janam 4