કીર્તન મુક્તાવલી

મારા વા’લાજી શું વા’લપ દીસે રે

૧-૪૯૦: સદ્‍ગુરુ મુક્તાનંદ સ્વામી

Category: ઉપદેશનાં પદો

પદ - ૨

મારા વા’લાજી શું વા’લપ દીસે રે, તેનો સંગ શીદ તજીએ,

 તે વિના કેને ભજીએ રે... ꠶ટેક

સન્મુખ થાતાં શંકા ન કીજે, મર ભાલા તણા મેહ વરસે રે;

હંસ જઈ હરિજનને મળશે, પછી કાચી તે કાયા પડશે રે... તેનો꠶ ૧

શૂળી ઉપર શયન કરાવે તોય, સાધુને સંગે રહીએ રે;

દુરિજન લોક દુર્ભાષણ બોલે, તેનું સુખદુઃખ સર્વે સહીએ રે... તેનો꠶ ૨

અમૃતપેં અતિ મીઠાં મુખથી, હરિનાં ચરિત્ર સુણાવે રે;

બ્રહ્મા ભવ સનકાદિક જેવા, જેનાં દર્શન કરવાને આવે રે... તેનો꠶ ૩

નરકકુંડથી નરસું લાગે, દુરિજનનું મુખ મનમાં રે,

મુક્તાનંદ મગન થઈ માગે વહાલા, વાસ દેજો હરિજનનમાં રે... તેનો꠶ ૪

Mārā vā’lājī shu vā’lap dīse re

1-490: Sadguru Muktanand Swami

Category: Updeshna Pad

Pad - 2

Mārā vā’lājī shu vā’lap dīse re,

 teno sang shīd tajīe,

  Te vinā kene bhajīe re...

Sanmukh thātā shankā na kīje,

 mar bhālā taṇā meh varse re;

Hans jaī harijanne maḷshe,

 pachhī kāchī te kāyā paḍshe re... teno 1

Shuḷī upar shayan karāve toy,

 sādhune sange rahīe re;

Durijan lok durbhāshaṇ bole,

 tenu sukh-ḍukh sarve sahīe re... teno 2

Amrutpe ati mīṭhā mukhthī,

 Harinā charitrā suṇāve re;

Brahmā bhav Sanakādik jevā,

 jenā darshan karvāne āve re... teno 3

Narakkunḍthī narsu lāge,

 durijannu mukh manmā re;

Muktānand magan thaī māge vahālā,

 vās dejo harijanmā re... teno 4

loading