Upasamhārah

Sudhā-shāstramidam hyevam navadhārāsu nirmitam;

Shvasiti niṣhṭhayā sākṣhād Akṣharapuruṣhottame. 525

Swāmivārtā’mṛutam divyam divyam cha vachanā’mṛutam;

Gurūṇām charitam divyam gurulekhā’mṛutam shubham. 526

Gurulābhā’mṛutam sākṣhād haraye gurave tathā;

Panchā’mṛutā’bhiṣhikto’ham sudhā’njalim samarpaye. 527

Shabdeṣhu sādhitam yaddhi saprapancham nirūpitam;

Naike tadadya jīvanti guru-satsanga-vaibhavāt. 528

Santuṣhṭā dṛuḍha-niṣhṭhāto hyakṣharapuruṣhottame;

Satsange bahavo dṛuṣhṭāh shāstra-klesha-vivarjitāh. 529

Satsangānnādhikam kinchid guru-prasanga-lakṣhaṇāt;

Etādṛug-grantha-koṭibhyah satsanga uttamastatah. 530

Shvāse shvāse cha satsangam divyam-alaukikam shubham;

Pūrayeti guro yāche granthā’nte bhadrabhāvatah. 531

Yatpādareṇau harikṛuṣhṇa-kānkṣhā, yad-duhkhadāne harikṛuṣhṇabhītih;

Yad-darshane cha harikṛuṣhṇa-vānchhā, tadakṣharam shrīpramukham namāmi. 532

Saddharma-sujnyāna-virāga-yukta-bhaktau parāyām satatam yadātmā;

Ekāntiko vāḍavavahnisangnah sevā yadīyā harikṛuṣhṇa-tulyā. 533

 

Mokṣhasya dvāram samapāvṛutam syāt,

Prakṛuṣhṭa-sangena cha hyātmabuddhyā;

Sākṣhātkarāgre paramātma-bodhah,

Prītau kṛutāyām pramukhe dṛuḍhāyām. 534

 

Nayana-kamala-madhye darshako bhakti-putrah,

Charaṇa-kamala-madhye vrājako bhakti-putrah;

Vadana-kamala-madhye bhāṣhako bhakti-putrah,

Pramukha-sakala-kārye kārako bhakti-putrah. 535

 

Praṇaumi Sahajānandam paramam brahma shāshvatam;

Praṇamāmi guṇātītam akṣharabrahma-sanjnyitam. 536

Brahma-paramparām vande sampradāyābhirakṣhiṇīm;

Prāgjībhaktam sadā shāntam siddhānta-puruṣham tathā. 537

Yagnapuruṣhadāsam cha hyānanda-brahma-yoginam;

Shāstrānte mangalātmānam vande’ham pramukham gurum. 538

Mahanta-svāminam naumi dayāmūrtim kṛupā’nvitam;

Yatsānnidhyena me chittam shāntāyate sukhāyate. 539

 

Evam Parabrahma-Swāminārāyaṇa-prabodhita-

Brahmaswarūpa-guṇātīta-guru-paramparopa-bṛumhita-

Brahmavidyā-lakṣhaṇā’kṣharapuruṣhottama-darshana-sangrāhikāh

Swāminārāyaṇa-siddhānta-kārikāh samāptāh.