परब्रह्मधारा
પરબ્રહ્મધારા
Parabrahmadhārā
मङ्गलम्
મઙ્ગલમ્
Mangalam
सहितः स्वामिना नित्यमास्ते नारायणो हरिः।
स्वामिनारायणस्तस्मात् कीर्त्यते समुपास्यते॥२१३
સહિતઃ સ્વામિના નિત્યમાસ્તે નારાયણો હરિઃ।
સ્વામિનારાયણસ્તસ્માત્ કીર્ત્યતે સમુપાસ્યતે॥૨૧૩
Sahitah Swāminā nityamāste nārāyaṇo harih;
Swāminārāyaṇastasmāt kīrtyate samupāsyate. 213
प्रकरणसङ्गतिः
પ્રકરણસઙ્ગતિઃ
Prakaraṇa-sangatih
स्वामिपदाऽभिधेयं तु पूर्वमितो निरूपितम्।
नारायणाऽभिधेयं यत् तदिह विनिरूप्यते॥२१४
સ્વામિપદાઽભિધેયં તુ પૂર્વમિતો નિરૂપિતમ્।
નારાયણાઽભિધેયં યત્ તદિહ વિનિરૂપ્યતે॥૨૧૪
Swāmipadā’bhidheyam tu pūrvamito nirūpitam;
Nārāyaṇā’bhidheyam yat tadiha vinirūpyate. 214
ब्रह्मविद्या यतः कार्त्स्न्यं भजेच्छास्त्रप्रबोधिता।
उभौ समाहितौ यस्यामक्षरपुरुषोत्तमौ॥२१५
બ્રહ્મવિદ્યા યતઃ કાર્ત્સ્ન્યં ભજેચ્છાસ્ત્રપ્રબોધિતા।
ઉભૌ સમાહિતૌ યસ્યામક્ષરપુરુષોત્તમૌ॥૨૧૫
Brahmavidyā yatah kārtsnyam bhajechchhāstra-prabodhitā;
Ubhau samāhitau yasyām-akṣharapuruṣhottamau. 215
परब्रह्मस्वरूपनिरूपणम्
પરબ્રહ્મસ્વરૂપનિરૂપણમ્
Parabrahma-swarūpa-nirūpaṇam
परमात्मा परं ब्रह्म सर्वेश्वरेश्वरो हरिः।
नारायणश्च सर्वज्ञः कृपालुः पुरुषोत्तमः॥२१६
પરમાત્મા પરં બ્રહ્મ સર્વેશ્વરેશ્વરો હરિઃ।
નારાયણશ્ચ સર્વજ્ઞઃ કૃપાલુઃ પુરુષોત્તમઃ॥૨૧૬
Paramātmā param brahma sarveshvareshvaro harih;
Nārāyaṇashcha sarvagnah kṛupāluh puruṣhottamah. 216
मायाऽतीतश्च निर्दोषः साकृतिर्मानवाऽऽकृतिः।
नित्यः सर्वसमुत्कृष्ट एकोऽयं नैव तत्समः॥२१७
માયાઽતીતશ્ચ નિર્દોષઃ સાકૃતિર્માનવાઽઽકૃતિઃ।
નિત્યઃ સર્વસમુત્કૃષ્ટ એકોઽયં નૈવ તત્સમઃ॥૨૧૭
Māyā’tītashcha nirdoṣhah sākṛutirmānavā’’kṛutih;
Nityah sarvasamutkṛuṣhṭa eko’yam naiva tatsamah. 217
दिव्यगुणविशिष्टोऽयं मायिकगुणवर्जितः।
अन्तर्यामी सर्वकर्ता गुणाऽतीतो नियामकः॥२१८
દિવ્યગુણવિશિષ્ટોઽયં માયિકગુણવર્જિતઃ।
અન્તર્યામી સર્વકર્તા ગુણાઽતીતો નિયામકઃ॥૨૧૮
Divyaguṇavishiṣhṭo’yam māyikaguṇa-varjitah;
Antaryāmī sarvakartā guṇā’tīto niyāmakah. 218
मूर्तिमद्ब्रह्मणा नित्यं मुक्तैस्तद्भावभावितैः।
सेव्यते दासभावेन ह्यक्षरधामसंस्थितः॥२१९
મૂર્તિમદ્બ્રહ્મણા નિત્યં મુક્તૈસ્તદ્ભાવભાવિતૈઃ।
સેવ્યતે દાસભાવેન હ્યક્ષરધામસંસ્થિતઃ॥૨૧૯
Mūrtimad0brahmaṇā nityam muktaistadbhāva-bhāvitaih;
Sevyate dāsabhāvena hyakṣharadhāma-sansthitah. 219
उपादानं निमित्तं च कारणं जगतो मतः।
सर्वाधारः स्वतन्त्रश्च कर्ता हर्ता नियामकः॥२२०
ઉપાદાનં નિમિત્તં ચ કારણં જગતો મતઃ।
સર્વાધારઃ સ્વતન્ત્રશ્ચ કર્તા હર્તા નિયામકઃ॥૨૨૦
Upādānam nimittam cha kāraṇam jagato matah;
Sarvādhārah swatantrashcha kartā hartā niyāmakah. 220
स्वधामस्थित एवाऽयं सकलाऽन्विततां गतः।
व्यतिरिक्तोऽन्वितोऽपीह स्वामिनारायणो हरिः॥२२१
સ્વધામસ્થિત એવાઽયં સકલાઽન્વિતતાં ગતઃ।
વ્યતિરિક્તોઽન્વિતોઽપીહ સ્વામિનારાયણો હરિઃ॥૨૨૧
Swadhāmasthita evā’yam sakalā’nvitatām gatah;
Vyatirikto’nvito’pīha Swāminārāyaṇo harih. 221
मनुष्यादिजनेर्दाता सर्वकर्मफलप्रदः।
सर्वज्ञानक्रियेच्छानां शक्तेर्दाता दयाऽन्वितः॥२२२
મનુષ્યાદિજનેર્દાતા સર્વકર્મફલપ્રદઃ।
સર્વજ્ઞાનક્રિયેચ્છાનાં શક્તેર્દાતા દયાઽન્વિતઃ॥૨૨૨
Manuṣhyādijanerdātā sarvakarma-fala-pradah;
Sarva-jnyāna-kriyechchhānām shakterdātā dayā’nvitah. 222
दिव्यसंकल्पमात्रेण नैकानामुद्दिधीर्षया।
सकलैश्वर्यसम्पन्नो धाम्नि सन्नेव जायते॥२२३
દિવ્યસંકલ્પમાત્રેણ નૈકાનામુદ્દિધીર્ષયા।
સકલૈશ્વર્યસમ્પન્નો ધામ્નિ સન્નેવ જાયતે॥૨૨૩
Divyasankalpa-mātreṇa naikānāmuddidhīrṣhayā;
Sakalaishvarya-sampanno dhāmni sanneva jāyate. 223
दिव्याऽऽनन्दप्रदानाय मानुषीं तनुमाश्रितः।
दिव्यतामजहन्नेव लीलामातिष्ठते प्रभुः॥२२४
દિવ્યાઽઽનન્દપ્રદાનાય માનુષીં તનુમાશ્રિતઃ।
દિવ્યતામજહન્નેવ લીલામાતિષ્ઠતે પ્રભુઃ॥૨૨૪
Divyā’’nandapradānāya mānuṣhīm tanumāshritah;
Divyatāmajahanneva līlāmātiṣhṭhate prabhuh. 224
स एव सहजानन्दः स्वामिनारायणो हरिः।
परमात्मा परं ब्रह्म भक्तिजो धर्मनन्दनः॥२२५
સ એવ સહજાનન્દઃ સ્વામિનારાયણો હરિઃ।
પરમાત્મા પરં બ્રહ્મ ભક્તિજો ધર્મનન્દનઃ॥૨૨૫
Sa eva sahajānandah Swāminārāyaṇo harih;
Paramātmā param brahma bhaktijo dharmanandanah. 225
स एव परमोपास्यो भजनीयश्च भावतः।
जप्यश्चाऽऽश्रयणीयश्च कीर्तनीयश्च सर्वदा॥२२६
સ એવ પરમોપાસ્યો ભજનીયશ્ચ ભાવતઃ।
જપ્યશ્ચાઽઽશ્રયણીયશ્ચ કીર્તનીયશ્ચ સર્વદા॥૨૨૬
Sa eva paramopāsyo bhajanīyashcha bhāvatah;
Japyashchā’’shrayaṇīyashcha kīrtanīyashcha sarvadā. 226
स एव प्रकटो नित्यं प्रत्यक्षे ब्रह्मणि गुरौ।
सहितः सकलैश्वर्यैः सम्यगानन्ददायकः॥२२७
સ એવ પ્રકટો નિત્યં પ્રત્યક્ષે બ્રહ્મણિ ગુરૌ।
સહિતઃ સકલૈશ્વર્યૈઃ સમ્યગાનન્દદાયકઃ॥૨૨૭
Sa eva prakaṭo nityam pratyakṣhe brahmaṇi gurau;
Sahitah sakalaishvaryaih samyagānandadāyakah. 227
अनुप्रवेशनात् तस्य तत्तज्जीवेश्वरात्मसु।
अवताराः प्रजायन्ते तल्लब्धैश्वर्यभूषिताः॥२२८
અનુપ્રવેશનાત્ તસ્ય તત્તજ્જીવેશ્વરાત્મસુ।
અવતારાઃ પ્રજાયન્તે તલ્લબ્ધૈશ્વર્યભૂષિતાઃ॥૨૨૮
Anupraveshanāt tasya tattajjīveshvarātmasu;
Avatārāh prajāyante tallabdhaishvarya-bhūṣhitāh. 228
विभवा अवताराः स्युर्हरीच्छावशमागताः।
तत्तत्कार्यनिमित्तैस्तु ह्यसंख्यका भवन्ति च॥२२९
વિભવા અવતારાઃ સ્યુર્હરીચ્છાવશમાગતાઃ।
તત્તત્કાર્યનિમિત્તૈસ્તુ હ્યસંખ્યકા ભવન્તિ ચ॥૨૨૯
Vibhavā avatārāh syurharīchchhāvashamāgatāh;
Tattatkārya-nimittaistu hyasankhyakā bhavanti cha. 229
व्यूहास्तथैव विज्ञेयाः परात्मलब्धभूतयः।
तत्सर्वचेतनाऽऽत्मानो मिथो भिन्नाः स्वरूपतः॥२३०
વ્યૂહાસ્તથૈવ વિજ્ઞેયાઃ પરાત્મલબ્ધભૂતયઃ।
તત્સર્વચેતનાઽઽત્માનો મિથો ભિન્નાઃ સ્વરૂપતઃ॥૨૩૦
Vyūhāstathaiva vijnyeyāh parātmalabdhabhūtayah;
Tatsarvachetanā’’tmāno mitho bhinnāh swarūpatah. 230
परब्रह्मादिपदाऽभिधेयत्वे प्रवृत्तिनिमित्तम्
પરબ્રહ્માદિપદાઽભિધેયત્વે પ્રવૃત્તિનિમિત્તમ્
Parabrahmādipadā’bhidheyatve pravṛuttinimittam
व्यपदिष्टं परब्रह्म यस्माद्धि ब्रह्मणः परम्।
अक्षरः पुरुषो गीतस्तस्माच्च पुरुषोत्तमः॥२३१
વ્યપદિષ્ટં પરબ્રહ્મ યસ્માદ્ધિ બ્રહ્મણઃ પરમ્।
અક્ષરઃ પુરુષો ગીતસ્તસ્માચ્ચ પુરુષોત્તમઃ॥૨૩૧
Vyapadiṣhṭam parabrahma yasmāddhi brahmaṇah param;
Akṣharah puruṣho gītastasmāchcha puruṣhottamah. 231
ऐश्वर्यं धार्यते नित्यं व्यापनशासनादिकम्।
बलशक्त्यादिमत्त्वं च भगवानुच्यते ततः॥२३२
ઐશ્વર્યં ધાર્યતે નિત્યં વ્યાપનશાસનાદિકમ્।
બલશક્ત્યાદિમત્ત્વં ચ ભગવાનુચ્યતે તતઃ॥૨૩૨
Aishvaryam dhāryate nityam vyāpanashāsanādikam;
Balashaktyādimattvam cha bhagavānuchyate tatah. 232
जीवेश्वराऽऽत्मनामात्मा सर्वाऽऽत्मोत्कृष्टतां धरन्।
सर्वाऽऽत्मनामुपास्यश्च परमात्मेति कीर्तितः॥२३३
જીવેશ્વરાઽઽત્મનામાત્મા સર્વાઽઽત્મોત્કૃષ્ટતાં ધરન્।
સર્વાઽઽત્મનામુપાસ્યશ્ચ પરમાત્મેતિ કીર્તિતઃ॥૨૩૩
Jīveshvarā’’tmanāmātmā sarvā’’tmotkṛuṣhṭatām dharan;
Sarvā’’tmanāmupāsyashcha paramātmeti kīrtitah. 233
ईश्वरेभ्यः परो यस्मात् परमेश्वर उच्यते।
मायानियमनाच्चैव मायीति परिबोधितः॥२३४
ઈશ્વરેભ્યઃ પરો યસ્માત્ પરમેશ્વર ઉચ્યતે।
માયાનિયમનાચ્ચૈવ માયીતિ પરિબોધિતઃ॥૨૩૪
Īshvarebhyah paro yasmāt parameshvara uchyate;
Māyāniyamanāchchaiva māyīti paribodhitah. 234
एकत्वम्
એકત્વમ્
Ekatvam
स्वरूपं भिद्यते नैव कार्यभेदात् कदाऽपि तत्।
एकं सदेव नैकानां विधानां ग्रहणे प्रभु॥२३५
સ્વરૂપં ભિદ્યતે નૈવ કાર્યભેદાત્ કદાઽપિ તત્।
એકં સદેવ નૈકાનાં વિધાનાં ગ્રહણે પ્રભુ॥૨૩૫
Swarūpam bhidyate naiva kāryabhedāt kadā’pi tat;
Ekam sadeva naikānām vidhānām grahaṇe prabhu. 235
क्वचिदनुप्रवेशेन क्वचित् तेन विनैव च।
ब्रह्मणि नित्यवासो हि न तत्राऽनुप्रवेशनम्॥२३६
ક્વચિદનુપ્રવેશેન ક્વચિત્ તેન વિનૈવ ચ।
બ્રહ્મણિ નિત્યવાસો હિ ન તત્રાઽનુપ્રવેશનમ્॥૨૩૬
Kvachidanupraveshena kvachit tena vinaiva cha;
Brahmaṇi nityavāso hi na tatrā’nupraveshanam. 236
न मुक्तावप्यभेदः स्याद् ब्रह्मणा परब्रह्मणा।
ब्रह्मसाधर्म्यमाप्तानां तत्र भक्तिः सदा स्थिता॥२३७
ન મુક્તાવપ્યભેદઃ સ્યાદ્ બ્રહ્મણા પરબ્રહ્મણા।
બ્રહ્મસાધર્મ્યમાપ્તાનાં તત્ર ભક્તિઃ સદા સ્થિતા॥૨૩૭
Na muktāvapyabhedah syād brahmaṇā parabrahmaṇā;
Brahma-sādharmyamāptānām tatra bhaktih sadā sthitā. 237
उपादानत्वेऽपि निर्विकारित्वम्
ઉપાદાનત્વેઽપિ નિર્વિકારિત્વમ્
Upādānatve’pi nirvikāritvam
व्यापनाच्छासनाच्चैव परोपादानता मता।
विकृतिः प्रकृतौ जाता न सा ब्रह्मपरात्मनोः॥२३८
વ્યાપનાચ્છાસનાચ્ચૈવ પરોપાદાનતા મતા।
વિકૃતિઃ પ્રકૃતૌ જાતા ન સા બ્રહ્મપરાત્મનોઃ॥૨૩૮
Vyāpanāchchhāsanāchchaiva paropādānatā matā;
Vikṛutih prakṛutau jātā na sā brahmaparātmanoh. 238
परत्वम्
પરત્વમ્
Paratvam
यत्र सर्वं गतं काष्ठां गुणैश्वर्यादि वास्तवम्।
न तत्परं तु कस्याऽपि किमपि तु कदापि तु॥२३९
યત્ર સર્વં ગતં કાષ્ઠાં ગુણૈશ્વર્યાદિ વાસ્તવમ્।
ન તત્પરં તુ કસ્યાઽપિ કિમપિ તુ કદાપિ તુ॥૨૩૯
Yatra sarvam gatam kāṣhṭhām guṇaishvaryādi vāstavam;
Na tatparam tu kasyā’pi kimapi tu kadāpi tu. 239
ब्रह्मतः श्रेष्ठता चाऽपि श्रुत्यैव बोधिता यदा।
का कथा ह्यन्यजीवानाम् ईश्वराणां तथैव च॥२४०
બ્રહ્મતઃ શ્રેષ્ઠતા ચાઽપિ શ્રુત્યૈવ બોધિતા યદા।
કા કથા હ્યન્યજીવાનામ્ ઈશ્વરાણાં તથૈવ ચ॥૨૪૦
Brahmatah shreṣhṭhatā chā’pi shrutyaiva bodhitā yadā;
Kā kathā hyanyajīvānām īshvarāṇām tathaiva cha. 240
असंख्येयाऽवताराणां ब्रह्मन्यूनत्वभाजिनाम्।
तस्मात् सर्वसमुत्कृष्टः स्वामिनारायणो हरिः॥२४१
અસંખ્યેયાઽવતારાણાં બ્રહ્મન્યૂનત્વભાજિનામ્।
તસ્માત્ સર્વસમુત્કૃષ્ટઃ સ્વામિનારાયણો હરિઃ॥૨૪૧
Asankhyeyā’vatārāṇām brahmanyūnatvabhājinām;
Tasmāt sarvasamutkṛuṣhṭah Swāminārāyaṇo harih. 241
एकमेवाऽद्वितीयं तत् परमं ब्रह्म सर्वदा।
तत्समाऽभ्यधिकाऽभावात् सृष्टिनियमहेतुतः॥२४२
એકમેવાઽદ્વિતીયં તત્ પરમં બ્રહ્મ સર્વદા।
તત્સમાઽભ્યધિકાઽભાવાત્ સૃષ્ટિનિયમહેતુતઃ॥૨૪૨
Ekamevā’dvitīyam tat paramam brahma sarvadā;
Tatsamā’bhyadhikā’bhāvāt sṛuṣhṭiniyamahetutah. 242
नो चेन्नियन्तृबाहुल्याद् इच्छाऽभिप्रायभेदतः।
व्यवस्थाभङ्गदोषाद्धि सृष्ट्याद्यनुपपन्नता॥२४३
નો ચેન્નિયન્તૃબાહુલ્યાદ્ ઇચ્છાઽભિપ્રાયભેદતઃ।
વ્યવસ્થાભઙ્ગદોષાદ્ધિ સૃષ્ટ્યાદ્યનુપપન્નતા॥૨૪૩
No chenniyantṛubāhulyād ichchhā’bhiprāyabhedatah;
Vyavasthābhangadoṣhāddhi sṛuṣhṭyādyanupapannatā. 243
मद्भावं मम साधर्म्यं परमं साम्यमुक्तितः।
ब्रह्मभावं विजानीयाद् अभावात्तत्परस्थितेः॥२४४
મદ્ભાવં મમ સાધર્મ્યં પરમં સામ્યમુક્તિતઃ।
બ્રહ્મભાવં વિજાનીયાદ્ અભાવાત્તત્પરસ્થિતેઃ॥૨૪૪
Madbhāvam mama sādharmyam paramam sāmyamuktitah;
Brahmabhāvam vijānīyād abhāvāttatparasthiteh. 244
परमसुखप्रदातृत्वम्
પરમસુખપ્રદાતૃત્વમ્
Parama-sukha-pradātṛutvam
ज्ञानाऽऽनन्दस्वरूपोऽयं ज्ञानाऽऽनन्दौ बिभर्त्यपि।
सर्वज्ञानमयो नित्यं सर्वाऽऽनन्दप्रदायकः॥२४५
જ્ઞાનાઽઽનન્દસ્વરૂપોઽયં જ્ઞાનાઽઽનન્દૌ બિભર્ત્યપિ।
સર્વજ્ઞાનમયો નિત્યં સર્વાઽઽનન્દપ્રદાયકઃ॥૨૪૫
Jnyānā’’nandaswarūpo’yam jnyānā’’nandau bibhartyapi;
Sarvajnyānamayo nityam sarvā’’nandapradāyakah. 245
कर्तृत्वम्
કર્તૃત્વમ્
Kartṛutvam
कल्याणं परमं भूयान्नैकजीवेश्वराऽऽत्मनाम्।
इदमेकं कृपालोस्तु सृष्टौ प्रयोजनं मतम्॥२४६
કલ્યાણં પરમં ભૂયાન્નૈકજીવેશ્વરાઽઽત્મનામ્।
ઇદમેકં કૃપાલોસ્તુ સૃષ્ટૌ પ્રયોજનં મતમ્॥૨૪૬
Kalyāṇam paramam bhūyānnaikajīveshvarā’’tmanām;
Idamekam kṛupālostu sṛuṣhṭau prayojanam matam. 246
जीवानामीश्वराणां च तत्तत्कर्माऽनुसारतः।
तत्कर्मफलभोगाय विश्वमिदं विरच्यते॥२४७
જીવાનામીશ્વરાણાં ચ તત્તત્કર્માઽનુસારતઃ।
તત્કર્મફલભોગાય વિશ્વમિદં વિરચ્યતે॥૨૪૭
Jīvānāmīshvarāṇām cha tattatkarmā’nusāratah;
Tatkarmafalabhogāya vishvamidam virachyate. 247
नाऽतो वैषम्यनैर्घृण्ये दयैव परमात्मनः।
योग्यान् देहेन्द्रियादींश्च यच्छति मोचयत्यपि॥२४८
નાઽતો વૈષમ્યનૈર્ઘૃણ્યે દયૈવ પરમાત્મનઃ।
યોગ્યાન્ દેહેન્દ્રિયાદીંશ્ચ યચ્છતિ મોચયત્યપિ॥૨૪૮
Nā’to vaiṣhamyanairghṛuṇye dayaiva paramātmanah;
Yogyān dehendriyādīnshcha yachchhati mochayatyapi. 248
इच्छाशक्तेः क्रियाशक्तेर्ज्ञानशक्तेः प्रदायकः।
अतो नित्यं पराऽधीना जीवेश्वराऽऽत्मकर्तृता॥२४९
ઇચ્છાશક્તેઃ ક્રિયાશક્તેર્જ્ઞાનશક્તેઃ પ્રદાયકઃ।
અતો નિત્યં પરાઽધીના જીવેશ્વરાઽઽત્મકર્તૃતા॥૨૪૯
Ichchhāshakteh kriyāshakter-jnyānashakteh pradāyakah;
Ato nityam parā’dhīnā jīveshvarā’’tmakartṛutā. 249
सर्वज्ञत्वम्
સર્વજ્ઞત્વમ્
Sarvagnatvam
कर्तृत्वाज्ज्ञातृता सिद्धा ज्ञान्येव कुरुते यतः।
करणाद्यनपेक्षं तु ज्ञानं सकरणस्य तत्॥२५०
કર્તૃત્વાજ્જ્ઞાતૃતા સિદ્ધા જ્ઞાન્યેવ કુરુતે યતઃ।
કરણાદ્યનપેક્ષં તુ જ્ઞાનં સકરણસ્ય તત્॥૨૫૦
Kartṛutvājjnyātṛutā siddhā jnyānyeva kurute yatah;
Karaṇādyanapekṣham tu jnyānam sakaraṇasya tat. 250
युगपन्निखिलं वेत्ति विना यत्नं सदा स्वतः।
संकल्पे प्रथमं सृष्टं विश्वं तेनेति सर्वविद्॥२५१
યુગપન્નિખિલં વેત્તિ વિના યત્નં સદા સ્વતઃ।
સંકલ્પે પ્રથમં સૃષ્ટં વિશ્વં તેનેતિ સર્વવિદ્॥૨૫૧
Yugapannikhilam vetti vinā yatnam sadā swatah;
Sankalpe prathamam sṛuṣhṭam vishvam teneti sarvavid. 251
अन्वयित्वं व्यतिरेकित्वं च
અન્વયિત્વં વ્યતિરેકિત્વં ચ
Anvayitvam vyatirekitvam cha
अन्वितो नगनद्यादौ जीवेश्वराऽऽत्मसंस्थितः।
प्रतिमासु विशेषश्च विभवेष्वपि तिष्ठति॥२५२
અન્વિતો નગનદ્યાદૌ જીવેશ્વરાઽઽત્મસંસ્થિતઃ।
પ્રતિમાસુ વિશેષશ્ચ વિભવેષ્વપિ તિષ્ઠતિ॥૨૫૨
Anvito naganadyādau jīveshvarā’’tma-sansthitah;
Pratimāsu visheṣhashcha vibhaveṣhvapi tiṣhṭhati. 252
सर्वाऽऽधिक्येन सम्यक् तु ब्रह्मण्येवाऽन्वितो हरिः।
तारतम्यात्तु पात्राणामक्षरं सर्वतोऽधिकम्॥२५३
સર્વાઽઽધિક્યેન સમ્યક્ તુ બ્રહ્મણ્યેવાઽન્વિતો હરિઃ।
તારતમ્યાત્તુ પાત્રાણામક્ષરં સર્વતોઽધિકમ્॥૨૫૩
Sarvā’’dhikyena samyak tu brahmaṇyevā’nvito harih;
Tāratamyāttu pātrāṇāmakṣharam sarvato’dhikam. 253
धाम्नि मुक्तैरनन्तैर्यत् सेव्यमानं विराजते।
लोकेऽस्मिन्नवतीर्णं च व्यतिरेकि प्रकीर्तितम्॥२५४
ધામ્નિ મુક્તૈરનન્તૈર્યત્ સેવ્યમાનં વિરાજતે।
લોકેઽસ્મિન્નવતીર્ણં ચ વ્યતિરેકિ પ્રકીર્તિતમ્॥૨૫૪
Dhāmni muktairanantairyat sevyamānam virājate;
Loke’sminnavatīrṇam cha vyatireki prakīrtitam. 254
अन्वितो व्यतिरिक्तो वा स्वरूपं नैव भिद्यते।
नैव न्यूनाधिकत्वं च नांऽशांऽशित्वं कदाचन॥२५५
અન્વિતો વ્યતિરિક્તો વા સ્વરૂપં નૈવ ભિદ્યતે।
નૈવ ન્યૂનાધિકત્વં ચ નાંઽશાંઽશિત્વં કદાચન॥૨૫૫
Anvito vyatirikto vā swarūpam naiva bhidyate;
Naiva nyūnādhikatvam cha nān’shān’shitvam kadāchana. 255
भागेन केनचिद् वा न व्यतिरेकोऽन्वयोऽपि च।
तत्सामर्थ्यादिकं सर्वं सर्वथा सर्वदा समम्॥२५६
ભાગેન કેનચિદ્ વા ન વ્યતિરેકોઽન્વયોઽપિ ચ।
તત્સામર્થ્યાદિકં સર્વં સર્વથા સર્વદા સમમ્॥૨૫૬
Bhāgena kenachid vā na vyatireko’nvayo’pi cha;
Tatsāmarthyādikam sarvam sarvathā sarvadā samam. 256
परब्रह्मणः सगुणत्वं निर्गुणत्वं च
પરબ્રહ્મણઃ સગુણત્વં નિર્ગુણત્વં ચ
Parabrahmaṇah saguṇatvam nirguṇatvam cha
सगुणं निर्गुणं चेति परं ब्रह्म निरूपितम्।
सगुणं तु गुणौघत्वान्महत्त्वात् सर्वतस्तथा॥२५७
સગુણં નિર્ગુણં ચેતિ પરં બ્રહ્મ નિરૂપિતમ્।
સગુણં તુ ગુણૌઘત્વાન્મહત્ત્વાત્ સર્વતસ્તથા॥૨૫૭
Saguṇam nirguṇam cheti param brahma nirūpitam;
Saguṇam tu guṇaughatvānmahattvāt sarvatastathā. 257
निर्गुणमपि तज्ज्ञेयं शून्यत्वान्मायिकैर्गुणैः।
सूक्ष्माऽतिसूक्ष्मतायाश्च यज्ज्ञानान्मुच्यतेऽशुभात्॥२५८
નિર્ગુણમપિ તજ્જ્ઞેયં શૂન્યત્વાન્માયિકૈર્ગુણૈઃ।
સૂક્ષ્માઽતિસૂક્ષ્મતાયાશ્ચ યજ્જ્ઞાનાન્મુચ્યતેઽશુભાત્॥૨૫૮
Nirguṇamapi tajjnyeyam shūnyatvānmāyikairguṇaih;
Sūkṣhmā’tisūkṣhmatāyāshcha yajjnyānānmuchyate’shubhāt. 258
साकृतिकत्वम्
સાકૃતિકત્વમ્
Sākṛutikatvam
ईक्षणं श्रूयते तस्य प्रश्ने मुक्तगणस्य च।
साकारः सहजानन्दो दिव्यसुन्दरविग्रहः॥२५९
ઈક્ષણં શ્રૂયતે તસ્ય પ્રશ્ને મુક્તગણસ્ય ચ।
સાકારઃ સહજાનન્દો દિવ્યસુન્દરવિગ્રહઃ॥૨૫૯
Īkṣhaṇam shrūyate tasya prashne muktagaṇasya cha;
Sākārah sahajānando divyasundara-vigrahah. 259
साकृतिरेव कर्ताऽयं साकृतिर्व्यापको मतः।
साकृतिरेव शास्ता स नित्यं साकृतिको हरिः॥२६०
સાકૃતિરેવ કર્તાઽયં સાકૃતિર્વ્યાપકો મતઃ।
સાકૃતિરેવ શાસ્તા સ નિત્યં સાકૃતિકો હરિઃ॥૨૬૦
Sākṛutireva kartā’yam sākṛutirvyāpako matah;
Sākṛutireva shāstā sa nityam sākṛutiko harih. 260
यश्च करणरूपादेर्निषेधः श्रूयते श्रुतौ।
मायिकस्यैव स ज्ञेयो दिव्यस्य तत्र रूपणात्॥२६१
યશ્ચ કરણરૂપાદેર્નિષેધઃ શ્રૂયતે શ્રુતૌ।
માયિકસ્યૈવ સ જ્ઞેયો દિવ્યસ્ય તત્ર રૂપણાત્॥૨૬૧
Yashcha karaṇa-rūpāderniṣhedhah shrūyate shrutau;
Māyikasyaiva sa jnyeyo divyasya tatra rūpaṇāt. 261
तत्राऽपि मानवाकारः किशोरो द्विभुजः सदा।
चतुरष्टभुजत्वादि क्वाचित्कं स्वेच्छया कृतम्॥२६२
તત્રાઽપિ માનવાકારઃ કિશોરો દ્વિભુજઃ સદા।
ચતુરષ્ટભુજત્વાદિ ક્વાચિત્કં સ્વેચ્છયા કૃતમ્॥૨૬૨
Tatrā’pi mānavākārah kishoro dvibhujah sadā;
Chaturaṣhṭabhujatvādi kvāchitkam svechchhayā kṛutam. 262
तस्माद्धरेः स्वरूपं तु साकारमेव सर्वदा।
इति भावनया नित्यं तदुपास्तिर्हि मोक्षदा॥२६३
તસ્માદ્ધરેઃ સ્વરૂપં તુ સાકારમેવ સર્વદા।
ઇતિ ભાવનયા નિત્યં તદુપાસ્તિર્હિ મોક્ષદા॥૨૬૩
Tasmāddhareh swarūpam tu sākārameva sarvadā;
Iti bhāvanayā nityam tadupāstirhi mokṣhadā. 263
निराकारादिभावाऽऽढ्या द्रोहनिग्रहबन्धकृत्।
साकारत्वे हरेः प्रीतिः शर्कराखण्डवद् बहुः॥२६४
નિરાકારાદિભાવાઽઽઢ્યા દ્રોહનિગ્રહબન્ધકૃત્।
સાકારત્વે હરેઃ પ્રીતિઃ શર્કરાખણ્ડવદ્ બહુઃ॥૨૬૪
Nirākārādibhāvā’’ḍhyā drohanigraha-bandhakṛut;
Sākāratve hareh prītih sharkarākhaṇḍavad bahuh. 264
सर्वोपरित्वम्
સર્વોપરિત્વમ્
Sarvoparitvam
स्वतः सर्वसमुत्कृष्टः सर्वत्र सर्वथा सदा।
गुणैश्वर्यादिभिः क्वाऽपि कोऽपि न तत्समो भवेत्॥२६५
સ્વતઃ સર્વસમુત્કૃષ્ટઃ સર્વત્ર સર્વથા સદા।
ગુણૈશ્વર્યાદિભિઃ ક્વાઽપિ કોઽપિ ન તત્સમો ભવેત્॥૨૬૫
Swatah sarvasamutkṛuṣhṭah sarvatra sarvathā sadā;
Guṇaishvaryādibhih kvā’pi ko’pi na tatsamo bhavet. 265
सोऽयं श्रीसहजानन्दः सर्वोपरि परात्परः।
स्वामिनारायणः साक्षाद् यस्मान्न विद्यते परः॥२६६
સોઽયં શ્રીસહજાનન્દઃ સર્વોપરિ પરાત્પરઃ।
સ્વામિનારાયણઃ સાક્ષાદ્ યસ્માન્ન વિદ્યતે પરઃ॥૨૬૬
So’yam shrīsahajānandah sarvopari parātparah;
Swāminārāyaṇah sākṣhād yasmānna vidyate parah. 266
प्रत्यक्षत्वम्
પ્રત્યક્ષત્વમ્
Pratyakṣhatvam
प्रत्यक्षोऽस्तीति सिद्धान्तं स्वामिनारायणो भुवि।
पूर्वमनुपदिष्टं च विशिष्टमाह शाश्वतम्॥२६७
પ્રત્યક્ષોઽસ્તીતિ સિદ્ધાન્તં સ્વામિનારાયણો ભુવિ।
પૂર્વમનુપદિષ્ટં ચ વિશિષ્ટમાહ શાશ્વતમ્॥૨૬૭
Pratyakṣho’stīti siddhāntam Swāminārāyaṇo bhuvi;
Pūrvamanupadiṣhṭam cha vishiṣhṭamāha shāshvatam. 267
अद्यैव वर्तमानं यद् नरतनौ विराजितम्।
प्रत्यक्षमिति तज्ज्ञेयं पश्यद्धि विचरत् तथा॥२६८
અદ્યૈવ વર્તમાનં યદ્ નરતનૌ વિરાજિતમ્।
પ્રત્યક્ષમિતિ તજ્જ્ઞેયં પશ્યદ્ધિ વિચરત્ તથા॥૨૬૮
Adyaiva vartamānam yad naratanau virājitam;
Pratyakṣhamiti tajjnyeyam pashyaddhi vicharat tathā. 268
साक्षाद् भोजनवार्तादि चेष्टाचरित्रचिन्तनम्।
प्रत्यक्षं लभ्यते यस्मात् सहवासादिना पुनः॥२६९
સાક્ષાદ્ ભોજનવાર્તાદિ ચેષ્ટાચરિત્રચિન્તનમ્।
પ્રત્યક્ષં લભ્યતે યસ્માત્ સહવાસાદિના પુનઃ॥૨૬૯
Sākṣhād bhojanavārtādi cheṣhṭā-charitra-chintanam;
Pratyakṣham labhyate yasmāt sahavāsādinā punah. 269
सेवितः सहजानन्दो भक्तैस्तत्कालिकैर्मुदा।
प्रत्यक्षं संप्रति ज्ञेयं गुरुरूपेण संस्थितम्॥२७०
સેવિતઃ સહજાનન્દો ભક્તૈસ્તત્કાલિકૈર્મુદા।
પ્રત્યક્ષં સંપ્રતિ જ્ઞેયં ગુરુરૂપેણ સંસ્થિતમ્॥૨૭૦
Sevitah Sahajānando bhaktaistatkālikairmudā;
Pratyakṣham samprati jnyeyam gururūpeṇa sansthitam. 270
सम्यग् वासो यतस्तत्र ह्युद्भुतसर्वशक्तिकः।
नारायणस्वरूपं तत् प्रत्यक्षमिति सेव्यते॥२७१
સમ્યગ્ વાસો યતસ્તત્ર હ્યુદ્ભુતસર્વશક્તિકઃ।
નારાયણસ્વરૂપં તત્ પ્રત્યક્ષમિતિ સેવ્યતે॥૨૭૧
Samyag vāso yatastatra hyudbhutasarvashaktikah;
Nārāyaṇaswarūpam tat pratyakṣhamiti sevyate. 271
दिव्यत्वम्
દિવ્યત્વમ્
Divyatvam
दिव्यो दिव्याऽतिदिव्योऽयं स्वसंगाद् दिव्यताप्रदः।
दिव्ये धाम्नि सदा दिव्यो दिव्य इह समागतः॥२७२
દિવ્યો દિવ્યાઽતિદિવ્યોઽયં સ્વસંગાદ્ દિવ્યતાપ્રદઃ।
દિવ્યે ધામ્નિ સદા દિવ્યો દિવ્ય ઇહ સમાગતઃ॥૨૭૨
Divyo divyā’tidivyo’yam swasangād divyatāpradah;
Divye dhāmni sadā divyo divya ihaa samāgatah. 272
मानुषे दिव्यतां पश्यन् चिन्तयन् वर्णयन् लिखन्।
दिव्यानन्दं प्रभुञ्जीत कृपातो दिव्यतानिधेः॥२७३
માનુષે દિવ્યતાં પશ્યન્ ચિન્તયન્ વર્ણયન્ લિખન્।
દિવ્યાનન્દં પ્રભુઞ્જીત કૃપાતો દિવ્યતાનિધેઃ॥૨૭૩
Mānuṣhe divyatām pashyan chintayan varṇayan likhan;
Divyānandam prabhunjīta kṛupāto divyatānidheh. 273
संप्राप्याऽक्षररूपत्वं भजेत पुरुषोत्तमम्।
इत्यादिसहजानन्दवाक्यान्मानाऽन्तरैस्तथा॥२७४
સંપ્રાપ્યાઽક્ષરરૂપત્વં ભજેત પુરુષોત્તમમ્।
ઇત્યાદિસહજાનન્દવાક્યાન્માનાઽન્તરૈસ્તથા॥૨૭૪
Samprāpyā’kṣhararūpatvam bhajet puruṣhottamam;
Ityādi-sahajānanda-vākyānmānā’ntaraistathā. 274
ग्रथितो येन शब्दोऽयमक्षरपुरुषोत्तमः।
गुरूणां गुरवे तस्मै शास्त्रिणेऽस्तु नमो नमः॥२७५
ગ્રથિતો યેન શબ્દોઽયમક્ષરપુરુષોત્તમઃ।
ગુરૂણાં ગુરવે તસ્મૈ શાસ્ત્રિણેઽસ્તુ નમો નમઃ॥૨૭૫
Grathito yena shabdo’yam-akṣharapuruṣhottamah;
Gurūṇām gurave tasmai shāstriṇe’stu namo namah. 275
विज्ञाप्य ब्रह्मपरब्रह्मसुरूपयुग्मं
प्रस्थाप्य धातुप्रतिमा भुवि मन्दिरेषु।
येनाऽञ्जलिर्विरचितो विरलोऽस्तु तस्य
द्वारे हि यज्ञपुरुषस्य शुभाञ्जलिर्मे॥२७६
વિજ્ઞાપ્ય બ્રહ્મપરબ્રહ્મસુરૂપયુગ્મં
પ્રસ્થાપ્ય ધાતુપ્રતિમા ભુવિ મન્દિરેષુ।
યેનાઽઞ્જલિર્વિરચિતો વિરલોઽસ્તુ તસ્ય
દ્વારે હિ યજ્ઞપુરુષસ્ય શુભાઞ્જલિર્મે॥૨૭૬
Vijnyāpya brahma-parabrahma-surūpayugmam
Prasthāpya dhātupratimā bhuvi mandireṣhu;
Yenā’njalirvirachito viralo’stu tasya
Dvāre hi yagnapuruṣhasya shubhānjalirme. 276
