કીર્તન મુક્તાવલી
નાના નાના બાળકોની છૂક છૂક ગાડી જાય
૨-૨૩૮: સાધુ અક્ષરજીવનદાસ
Category: બાળ કીર્તનો
નાના નાના બાળકોની છૂક છૂક ગાડી જાય,
મોટાં મોટાં મંદિરોનાં દર્શન કરવા જાય... નાના નાના꠶ ટેક
બાળકો સૌ સ્ટેશન ઉપર ઝટપટ પહોંચી જાય,
ધૂન પ્રાર્થના કીર્તન થાય ને નાસ્તાઓ પીરસાય;
સંતો ફરતા ટોળું વળી સૌ વાર્તા સુણતા જાય,
સિગ્નલ મળતાં સ્ટેશન ઉપર ગાડી આવી જાય... નાના નાના꠶ ૧
પહેલું આવ્યું અક્ષરમંદિર ગોંડલ ધામ કે’વાય,
અક્ષરદેરી દર્શન કરતાં હૈયાં બહું હરખાય;
આવી ભાદરા ગામ એ તો અક્ષરબ્રહ્મનું સ્થાન,
ખેતર વડનાં દર્શન કીધાં ઊંડ નદીએ સ્નાન... નાના નાના꠶ ૨
ગઢપુરમાં તો ગોપીનાથનાં દર્શન સારાં થાય,
અક્ષરઓરડી લીમડો દાદાના દરબારમાંય,
લક્ષ્મીવાડી ફરતાં ફરતાં ઘેલામાં સૌ ન્હાય,
અક્ષરપુરુષોત્તમનું મંદિર આરસનું છે ત્યાંય... નાના નાના꠶ ૩
સારંગપુરનું મંદિર ઊંચું ધજા ગગન લહેરાય,
રંગમંડપને સ્મૃતિ મંદિર કીધાં દર્શન ત્યાંય,
અમદાવાદ બોચાસણ થઈ અટલાદરા તીરથ થાય,
સંત સમાગમ દર્શન કરતાં અક્ષર સુખ ઉભરાય... નાના નાના꠶ ૪
Nānā nānā bāḷakonī chhuk chhuk gāḍī jāy
2-238: Sadhu Aksharjivandas
Category: Bal Kirtan
Nānā nānā bāḷakonī chhuk chhuk gāḍī jāy,
Moṭā moṭā mandir nā darshan karvā jāy...
Bāḷako sau station upar jhaṭpaṭ pahochī jāy,
Dhun prārthanā Kīrtan thāy ne nāstāo pīrsāy;
Santo fartā ṭoḷu vaḷī sau vārtā suṇtā jāy,
Signal maltā station upar gāḍī āvī jāy
... nānā nānā 1
Pahelu āvyu Akshar Mandir Gonḍal Dhām ke’vāy,
Akshar Derī darshan kartā haiyā bahu harkhāy;
Āvī Bhādrā gām e to Aksharbrahmanu sthān,
Khetar vaḍnā darshan kīdhā Ūnḍ nadīe snān
... nānā nānā 2
Gaḍhpurmā to Gopīnāthnā darshan sārā thāy,
Akshar Orḍī līmḍo Dādānā darbārmāy;
Lakshmī Vāḍī fartā fartā Ghelāmā sau nhāy,
Akshar Purushottamnu mandir ārasnu chhe tyāy
... nānā nānā 3
Sārangpurnu mandir ūnchu dhajā gagan laherāy,
Rang Manḍapne smrūtī mandir kīdhā darshan tyāy;
Amdāvād Bochāsaṇ thaī Atlādrā tīrath thāy,
Sant samāgam darshan kartā Akshar sukh ubhrāy
... nānā nānā 4