કીર્તન મુક્તાવલી
વરકન્યાની જોડ બિરાજે રે
૨-૨૧૬: સદ્ગુરુ મુક્તાનંદ સ્વામી
Category: આવી અક્ષરવરની જાન
(કંસાર જમાડ્યાનું - બંને પક્ષ ગાઈ શકે)
વરકન્યાની જોડ બિરાજે રે, જોતાં કોટિ કામ છબી લાજે રે... ꠶ ૧
વાજે દેવનાં વાજાં અપાર રે, પરણે અખિલ ભુવનના આધાર રે... ꠶ ૨
બ્રહ્મા ઉચરે વેદ વચન રે, જય જયકાર થયો ત્રિભુવન રે... ꠶ ૩
ચારે ફેરા હરિસંગ ફરિયા રે, નારી જગના જીવણજીને વરિયા રે... ꠶ ૪
શોભે અખંડ અલૌકિક જોડ રે, માથે બત્રીશ ભમરીનો મોડ રે... ꠶ ૫
લાડો લાડી જમે રે કંસાર રે, જેનો નિગમ ન પામે પાર રે... ꠶ ૬
મુક્તાનંદ કહે મહાસુખકારી રે, એવાં ચરિત્ર કરે ગિરધારી રે... ꠶૭
Var-kanyānī joḍ birāje re
2-216: Sadguru Muktanand Swami
Category: Avi Aksharvarni Jan
(Kansār jamāḍyānu - banne pakṣh gāī shake)
Var-kanyānī joḍ birāje re, jotā koṭi kām chhabī lāje re... ° 1
Vāje devnā vājā apār re, parṇe akhil bhuvannā ādhār re... ° 2
Brahmā uchare Ved vachan re, jay jaykār thayo Tribhuvan re... ° 3
Chāre ferā Harisang fariyā re, nārī jagnā jīvaṇjīne variyā re... ° 4
Shobhe akhanḍ alaukik joḍ re, māthe batrīsh bhamrīno moḍ re... ° 5
Lāḍo lāḍī jame re kansār re, jeno nigam na pāme pār re... ° 6
Muktānand kahe mahāsukhkārī re, evā charitra kare Girdhārī re... °7