કીર્તન મુક્તાવલી
માધવપુરનો માંડવો આવે જાદવકુળની જાન
૨-૨૧૩: સદ્ગુરુ મુક્તાનંદ સ્વામી
Category: આવી અક્ષરવરની જાન
(હસ્તમેળાપ વખતે - બંને પક્ષ ગાઈ શકે)
માધવપુરનો માંડવો, આવે જાદવકુળની જાન;
પરણે તે રાણી રુક્મિણી, વર વાંછિત શ્રી ભગવાન... ૧
જાદવ જાનૈયા થયા, માંડવિયા પણ સોય;
વિધિ સહિત વિવા’ રચ્યો, કસર ન રાખી કોય... ૨
માણેક સ્થંભ મંડપ રચ્યો, મધ્યે ચોરી બાંધી સાર;
મોહન આવ્યા માંયરે, કોટિ ભુવનના કરતાર... ૩
માથે તે મુગટ જડાવનો, કાને કુંડળ મકરાકાર;
બાંયે બાજુબંધ બેરખા, કોટે કૌસ્તુભ મણિનો હાર... ૪
શોભે ઘણા શણગારમાં, પીતાંબર અતિ ઉદાર;
હેમકડાં બેઉ હાથમાં, પાયે ઝાંઝરનો ઝણકાર... ૫
વ્હાલાનું વદન સોહામણું, જાણ્યું ઉગ્યો પૂનમચંદ;
મુક્તાનંદ કહે મોહનવરને, જોઈ થયો આનંદ... ૬
Mādhavpurno mānḍavo āve jādavkuḷnī jān
2-213: Sadguru Muktanand Swami
Category: Avi Aksharvarni Jan
(Hast-meḷāp vakhate - banne pakṣh gāī shake)
Mādhavpurno mānḍavo, āve Jādavkuḷnī jān;
Parṇe te Rāṇī Rukmiṇī, var vānchhit Shrī Bhagwān... 1
Jādav jānaiyā thayā, mānḍaviyā paṇ soy;
Vidhi sahit vivā’ rachyo, kasar na rākhī koy... 2
Māṇek sthambh manḍap rachyo, madhye chorī bāndhī sār;
Mohan āvyā mānyare, koṭi bhuvannā kartār... 3
Māthe te mugaṭ jaḍāvno, kāne kunḍaḷ makrākār;
Bāye bājubandh berkhā, koṭe kaustubh maṇino hār... 4
Shobhe ghaṇā shaṇagārmā, pītāmbar ati udār;
Hemkaḍā beu hāthmā, pāye zānzarno zaṇkār... 5
Vhālānu vadan sohāmṇu, jāṇyu ugyo Pūnamchand;
Muktānand kahe Mohanvarne, joī thayo ānand... 6