કીર્તન મુક્તાવલી
જાદવરાય જીવે મોતિયાવાળો
૨-૨૦૮: સદ્ગુરુ પ્રેમાનંદ સ્વામી
Category: આવી અક્ષરવરની જાન
(વરઘોડામાં ગાવાનું)
જાદવરાય જીવે મોતિયાવાળો,
ઘણા મૂલાને ઘણી ખમા, ઘણું જીવો ઘણી ખમા.
છેલવર આવે રે છોગાળો,
રાજેશ્વર ચરણે નમા, જગજીવન ચરણે નમા... ꠶ટેક
માણીગર માણકિયે રે રાજે, શોભા જોઈ કામ લાજે;
ચરમ ઢળે રે છત્તર છાજે, આગે ઘણાં વાજાં વાજે... ꠶ ૧
કેસરિયાને કોડે કોડે જોઈએ, જોઈ જોઈ દુઃખ ભાગે;
માથે મોતીડાનો ઝૂડો રૂડો, વિઠ્ઠલવર વ્હાલો લાગે... ꠶ ૨
કેસર તિલક રે કીધાં ભાલે, કાને કુંડળ શોભા કાજુ;
સોનેરી વાઘો શોભે અંગે, બાંયે નંગ જડિયલ બાજુ... ꠶ ૩
ઉરમાં ઉતરિયું રે રૂપાળી, ભાળી ભાળી નેણાં ઠરે;
હાર હજારો કમરે કટારો, પ્રેમાનંદનાં મનડાં હરે... ꠶ ૪
Jādavrāy jīve motiyāvāḷo
2-208: Sadguru Premanand Swami
Category: Avi Aksharvarni Jan
(Varghoḍāmā gāvānu)
Jādavrāy jīve motiyāvāḷo,
Ghaṇā mūlāne ghaṇī khamā, ghaṇu jīvo ghaṇī khamā.
Chhelvar āve re chhogāḷo,
Rājeshvar charṇe namā, Jagjīvan charaṇe namā... °ṭek
Māṇīgar Māṇakiye re rāje, shobhā joī kām lāje;
Charam ḍhaḷe re chhattar chhāje, āge ghaṇā vājā vāje... ° 1
Kesariyāne koḍe koḍe joīe, joī joī dukh bhāge;
Māthe motīḍāno zūḍo rūḍo, Viṭhṭhalvar vhālo lāge... ° 2
Kesar tilak re kīdhā bhāle, kāne kunḍaḷ shobhā kāju;
Sonerī vāgho shobhe ange, bāye nang jaḍiyal bāju... ° 3
Urmā utariyu re rūpāḷī, bhāḷī bhāḷī neṇā ṭhare;
Hār hajāro kamare kaṭāro, Premānandnā manḍā hare... ° 4
