કીર્તન મુક્તાવલી
અમરના સરદાર હરિ મારા નેણ તણા શણગાર
૨-૨: સદ્ગુરુ કૃષ્ણાનંદ સ્વામી
Category: શ્રીહરિનાં પદો
અમરના સરદાર હરિ મારા, નેણ તણા શણગાર;
નેણ તણા શણગાર ગુણવંત, માણકીના અસવાર... ꠶ટેક
માથે ધોળી પાઘ મનોહર, છોગું મુગટ અનુસાર;
ધોળા અંબર તન પર શોભે, રૂમાલ ધોળો સાર... ꠶ ૧
ભાલ વિશાલ તિલક કેસરનું, કુમકુમ ચંદ્ર ઉદાર;
કામ તણા મદને હરનારી, ભ્રૂકુટી ધનુષાકાર... ꠶ ૨
દીપ શીખા શુક ચંચુ લજાવે, નાસા નમણી સાર;
દંત છબી જોઈને લાજે, અધોમુખ ઝૂરે અનાર... ꠶ ૩
બીંબ નવાંકુર પરવાળાથી, સારા અધર અપાર;
કૃષ્ણાનંદ કહે મુખ પર વારું, ચંદ સરોજ હજાર... ꠶ ૪
Amarnā sardār Hari mārā neṇ taṇā shaṇgār
2-2: Sadguru Krushnanand Swami
Category: Shri Harina Pad
Amarnā sardār Hari mārā, neṇa taṇā shaṇgār;
Neṇ taṇā shaṇgār guṇvant, Māṇkīnā asvār...
Māthe ḍhoḷī pāgh manohar, chhogu mugaṭ anusār;
Dhoḷā ambar tan par shobhe, rūmāl dhoḷo sār... 1
Bhāl vishāl tilak kesarnu, kumkum chandra udār;
Kām taṇā madne harnārī, bhrūkūṭī dhanushākār... 2
Dīp shīkhā shuk chanchu lajāve, nāsā namṇī sār;
Dant chhabī joīne lāje, adhomukh jhure anār... 3
Bīmb navānkur parvāḷāthī, sārā adhar apār;
Krishṇānand kahe mukh par vāru, chand saroj hajār... 4
Listen to ‘અમરના સરદાર હરિ મારા નેણ તણા શણગાર’
