કીર્તન મુક્તાવલી
વિહરતિ યોઽક્ષરેઽક્ષર પદાક્ષર મુક્તપતિ (ભજનાષ્ટકમ્)
૨-૧૯૦૦૯: સદ્ગુરુ યોગાનંદ સ્વામી
Category: સંસ્કૃત સ્તોત્રો
વિહરતિ યોઽક્ષરેઽક્ષર - પદાક્ષર - મુક્તપતિઃ
પુરુષવિધો વિધિં વિધિહરીશ્વરમુખ્યબુધાઃ ।
શિરસિ વહન્તિ તે સમુદિતં કિલ યેન મુદા
હૃદિ તમજં ભજે ભવહરં હરિકૃષ્ણમહમ્ ॥૧॥
પ્રકૃતિમયા ગુણા ન ચ ભવન્તિ હિ યત્ર હરૌ -
ઇતિ નિગમાગમા અપિ વદન્તિ ચ નિર્ગુણકમ્ ।
ઇતિ સગુણં ગુણૈરપિ યુતં પરદિવ્યશુભૈ-
ર્હૃદિ તમજં ભજે ભવહરં હરિકૃષ્ણમહમ્ ॥૨॥
શમદમ - કૌશલસ્મૃતિ - તપોબલ - કાન્તિભગ-
શ્રુતશુચિસત્યતા-સ્વવશતાર્જવ-કીર્તિમુખાઃ ।
અપરિમિતા ગુણા ધ્રુવતયાત્ર વસન્તિ સદા
હૃદિ તમજં ભજે ભવહરં હરિકૃષ્ણમહમ્ ॥૩॥
પ્રકૃતિ-પરાક્ષરે બૃહતિ ધામનિ મૂર્તિધરૈર્
નિગમનિજાયુધૈશ્ચ નિજપાર્ષદ-મુખ્યગણૈઃ ।
ઉરુ ય ઉપાસ્યતેઽપિ રમયા રમણીયતનુર્
હૃદિ તમજં ભજે ભવહરં હરિકૃષ્ણમહમ્ ॥૪॥
નિખિલભગૈશ્ચ યોઽક્ષરપદે દિવિ દેવગણૈ-
રખિલવિભૂતિભિ ર્વિભવભૂમિરુપાસ્યત એ ।
રતિપતિદર્પહા - રમણરમ્યક - રૂપનિધિર્
હૃદિ તમજં ભજે ભવહરં હરિકૃષ્ણમહમ્ ॥૫॥
વિજિતમનોભવા ભુવિ ભજન્તિ ચ યં સતતં
શમદમસાધનૈઃ પ્રશમિતેન્દ્રિય-વાજિરયાઃ ।
પ્રકટિત - માનુષાકૃતિમિમે મુનિદેવગણા
હૃદિ તમજં ભજે ભવહરં હરિકૃષ્ણમહમ્ ॥૬॥
દ્વિજ-વૃષ-સાધુગો-મુનિગણાનવિતું ભુવિ યો
વૃષભવને વૃષાદ્ ધૃતજનિર્જનકો જગતામ્ ।
પ્રકૃતિભુવામપિ પ્રશમિતું યદધર્મકુલં
હૃદિ તમજં ભજે ભવહરં હરિકૃષ્ણમહમ્ ॥૭॥
ઋષિભિરભિષ્ટુતો નૃપગણૈ ર્નત-પાદતલઃ
શ્રુતિશિરસાં ગણૈરુદિતસૂજ્જ્વલ-કીર્તિરસૌ ।
અતિકૃતિભિઃ પ્રગીત ઇતિ યઃ કવિકોકિલકૈર્
હૃદિ તમજં ભજે ભવહરં હરિકૃષ્ણમહમ્ ॥૮॥
Viharati yokṣharekṣhar padākṣhar muktapati (Bhajanāṣhṭakam)
2-19009: Sadguru Yoganand Swami
Category: Sanskrut Stotro
Viharati yo’kṣhare’kṣhar - padākṣhar - muktapatih
Puruṣhavidho vidhim vidhiharīshvaramukhyabudhāhā |
Shirasi vahanti te samuditam kil yen mudā
Hṛudi tamajam bhaje bhavaharam Harikṛuṣhṇamaham ||1||
Prakṛutimayā guṇā na cha bhavanti hi yatra harau -
Iti nigamāgamā api vadanti cha nirguṇakam |
Iti saguṇam guṇairapi yutam paradivyashubhai-
Rhṛudi tamajam bhaje bhavaharam Harikṛuṣhṇamaham ||2||
Shamadam - kaushalasmṛuti - tapobal - kāntibhaga-
Shrutashuchisatyatā-swavashatārjava-kīrtimukhāhā |
Aparimitā guṇā dhruvatayātra vasanti sadā
Hṛudi tamajam bhaje bhavaharam Harikṛuṣhṇamaham ||3||
Prakṛuti-parākṣhare bṛuhati dhāmani mūrtidharair
Nigamanijāyudhaishcha nijapārṣhad-mukhyagaṇaihai |
Uru ya upāsyate’pi ramayā ramaṇīyatanur
Hṛudi tamajam bhaje bhavaharam Harikṛuṣhṇamaham ||4||
Nikhilabhagaishcha yo’kṣharapade divi devagaṇai-
Rakhilavibhūtibhi rvibhavabhūmirupāsyat e |
Ratipatidarpahā - ramaṇaramyak - rūpanidhir
Hṛudi tamajam bhaje bhavaharam Harikṛuṣhṇamaham ||5||
Vijitamanobhavā bhuvi bhajanti cha yam satatan
Shamadamasādhanaihai prashamitendriya-vājirayāhā |
Prakaṭit - mānuṣhākṛutimime munidevagaṇā
Hṛudi tamajam bhaje bhavaharam Harikṛuṣhṇamaham ||6||
Dvij-vṛuṣh-sādhugo-munigaṇānavitum bhuvi yo
Vṛuṣhabhavane vṛuṣhād dhṛutajanirjanako jagatām |
Prakṛutibhuvāmapi prashamitum yadadharmakulam
Hṛudi tamajam bhaje bhavaharam Harikṛuṣhṇamaham ||7||
Hruṣhibhira-bhiṣhṭuto nṛupagaṇai rnata-pādatalah
Shrutishirasām gaṇairuditasūjjvala-kīrtirasau |
Atikṛutibhihi pragīt iti yah kavikokilakair
Hṛudi tamajam bhaje bhavaharam Harikṛuṣhṇamaham ||8||
