કીર્તન મુક્તાવલી
સ્વામિનારાયણ આજ પ્રગટ મહામંત્ર છે
૨-૧૪૦૦૪: સદ્ગુરુ પ્રેમાનંદ સ્વામી
Category: પ્રકીર્ણ પદો
સ્વામિનારાયણ આજ પ્રગટ મહામંત્ર છે,
શ્રવણે સુણતા કંપે દિનકર દૂત જો,
ભવનાં બંધન સદ્ય કાપી સુખિયા કરે,
શું કહી દાખું મહિમા અતિ અદ્ભુત જો... ૧
અનેક પતિત ઓધાર્યા પૂર્વે આ મંત્ર થકી,
અજામિલ ગનિકા આદિક અપાર જો,
તે મંત્ર મહારાજે આજે પ્રગટ કર્યો,
કળિમાં કરવા અનેક પતિત ભવપાર જો... ૨
સકામી જન સુમરી પામે ત્રિવર્ગને,
નિષ્કામી જન પામે પદ નિર્વાણ જો,
નામતણા નામી સ્વામી પ્રગટ મળ્યા,
તે જનના શું કરું મુખે વખાણ જો... ૩
ભવ બ્રહ્મા મુનિ મુક્ત જપે આ મંત્રને,
તે સહું પામ્યા મનવાંછિત સુખ સાજ જો,
પ્રેમાનંદ કહે કર જોડી સહુ જનને,
ભૂલશો મા અવસર આવ્યો છે આજ જો... ૪
Swāminārāyaṇ āj pragaṭ mahāmantra chhe
2-14004: Sadguru Premanand Swami
Category: Prakirna Pad
Swāminārāyaṇ āj pragaṭ mahāmantra chhe,
Shravaṇe suṇatā kampe dinakar dūt jo,
Bhavnā bandhan sadya kāpī sukhiyā kare,
Shu kahī dākhu mahimā ati adbhut jo... 1
Anek patit odhāryā pūrve ā mantra thakī,
Ajāmil Ganikā ādik apār jo,
Te mantra Mahārāje āje pragaṭ karyo,
Kaḷimā karavā anek patit bhavpār jo... 2
Sakāmī jan sumarī pāme trivargane,
Niṣhkāmī jan pāme pad nirvāṇ jo,
Māmtaṇā nāmī Swāmī pragaṭ maḷyā,
Te jannā shu karu mukhe vakhāṇ jo... 3
Bhav Brahmā muni mukta jape ā mantrane,
Te sahu pāmyā manvānchhit sukh sāj jo,
Premānand kahe kar joḍī sahu janne,
Bhūlasho mā avasar āvyo chhe āj jo... 4