કીર્તન મુક્તાવલી
મૂર્તિ મનોહર પ્યારી લાગે છે મુને મૂર્તિ મનોહર પ્યારી
૨-૧૧૦૧૪: સદ્ગુરુ ભૂમાનંદ સ્વામી
Category: મૂર્તિનાં પદો
મૂર્તિ મનોહર પ્યારી, લાગે છે મુને મૂર્તિ મનોહર પ્યારી. ટેક
જરકસી જામો પાઘ પેચાળી, સોનેરી શિરધારી,
વંકી કલંગીમાં હીરા ઝળકે, તોરો છોગું સુખકારી. લાગે છે મુને ૧
સૂંથણી ચંગી લાલ નવરંગી, કટી-બંધ નવલવિહારી,
વંકો કટારો અતિ સુંદર સારો, ઉર પર હાર હજારી. લાગે છે મુને ૨
ગજરા બાજુ કાને કુંડલ કાજુ, ગુચ્છ ગુલાબના ભારી,
મનગમતા હરિ હસતા રમતા, તાન ત્રોડત ત્રિપુરારી. લાગે છે મુને ૩
સુખના સાગર નટવર નાગર, જીવનદોરી મારી,
ભૂમાનંદના વાલાને રાખું, મારા અંતરમાં ઉતારી. લાગે છે મુને ૪
Mūrti Manohar Pyārī Lāge Chhe Mune
2-11014: Sadguru Bhoomanand Swami
Category: Murtina Pad
Mūrti manohar pyārī, lāge chhe mune mūrti manohar pyārī. ṭek
Jarakasī jāmo pāgh pechāḷī, sonerī shir-dhārī,
Vankī kalangīmā hīrā zaḷake, toro chhogu sukhkārī. lāge chhe mune 1
Sūnthaṇī changī lāl navrangī, kaṭī-bandh naval-vihārī,
Vanko kaṭāro ati sundar sāro, ur par hār hajārī. lāge chhe mune 2
Gajarā bāju kāne kunḍal kāju, guchchha gulābnā bhārī,
Mangamatā Hari hasatā ramatā, tān troḍat tripurārī. lāge chhe mune 3
Sukhnā sāgar Naṭvar nāgar, jīvandorī mārī,
Bhūmānandnā vālāne rākhu, mārā antarmā utārī. lāge chhe mune 4