કીર્તન મુક્તાવલી
પ્રાતઃ સમે શ્રી પુરુષોત્તમની
૧-૯૬: સદ્ગુરુ મુક્તાનંદ સ્વામી
Category: પ્રભાતિયાં
પદ - ૧
પ્રાતઃ સમે શ્રી પુરુષોત્તમની, મૂરતિ મનમાં સંભારું રે;
નખશિખ શોભા નીરખી નાથની, કોટિ કામ છબી વારું રે... ꠶ટેક
ચરણ કમળની શોભા જોઈને, મોહી રહ્યું છે મન મારું રે;
સોળે ચિહ્ન સહિત કુચ કુમકુમ, અંકિત પલ ન વિસારું રે... ૧
જમણા નખની સુંદર કાંતિ, ચિહ્ન સહિત ઘણું શોભે રે;
જુગલ ચરણ નખ મંડળ જોતાં, ભક્ત તણાં મન લોભે રે... ૨
જાનું જંઘા ઉદર અનુપમ, ત્રિવળી સહિત બિરાજે રે;
ઊંડી નાભિ અજનું કારણ, સુંદર અતિશય છાજે રે... ૩
મોર મુગટ મકરાકૃત કુંડળ, ભ્રૂકુટિ ભાલ વિશાળ રે;
મુક્તાનંદ કહે કરનાં લટકાં, કરતા દીન દયાળ રે... ૪
Prāt same Shrī Puruṣhottamanī
1-96: Sadguru Muktanand Swami
Category: Prabhatiya
Pad - 1
Prāt same Shrī Purushottamnī,
Mūrti manmā sambhāru re;
Nakhshikh shobhā nīrakhī Nāthnī,
Koṭi kām chhabī vāru re...
Charaṇ kamaḷnī shobhā joine,
Mohi rahyu chhe man māru re;
Sole chihna sahit kuch kumkum,
Ankīt pal na visāru re... 1
Jamṇā nakhnī sunḍar kānti,
Chihna sahit ghaṇu shobhe re;
Jugaḷ charaṇ nakh mandaḷ jotā,
Bhakta taṇā man lobhe re... 2
Jānu janghā udar anupam,
Trivaḷī sahit birāje re;
Unḍī nābhī ajnu kāraṇ,
Sunḍar atishay chhāje re... 3
Mor mugaṭ makarākrut kundal,
Bhrukuṭī bhāl vishāḷ re;
Muktānand kahe karnā laṭkā,
Kartā dīn dayāḷ re... 4