કીર્તન મુક્તાવલી
મોગરાનાં ફૂલ સખી મોગરાનાં ફૂલ
૧-૮૫૩: કવિ માવદાન
Category: પ્રકીર્ણ પદો
મોગરાનાં ફૂલ સખી મોગરાનાં ફૂલ,
શ્રીજીને પ્યારાં બહુ મોગરાનાં ફૂલ... ꠶ટેક
લક્ષ્મીવાડી શ્રીજીની રૂડી રળિયામણી,†
પુષ્પો લેવાને હું તો પ્રેમેથી ચાલી,
ખીલ્યાં ખીલ્યાં ત્યાં તો મનગમતાં ફૂલ... શ્રીજી꠶ ૧
ડોલર ગુલાબ ગુલ ચંપો ચમેલી,
કેતકી કરેણ જાઈ જૂઈ અલબેલી,
મોગરાની પાંખડીમાં સૌરભ અમૂલ... શ્રીજી꠶ ૨
ફૂલડે ફૂલડે મેં નામ શ્રીજીનું લીધું,
વીણી વીણીને મારું મનડું પ્રોઈ દીધું,
એકસો ને આઠ ચૂંટ્યાં મોગરાનાં ફૂલ... શ્રીજી꠶ ૩
મોગરાની માળા ગૂંથી માવ કવિ રાયે,
કાવ્યની કુસુમ માળ કદી ના કરમાયે,
વિણગુણ એ માળા તણા મૂલ છે અમૂલ... શ્રીજી꠶ ૪
†રઢિયાળી
Mogrānā fūl sakhī mogrānā fūl
1-853: Kavi Maavdaan
Category: Prakirna Pad
Mogrānā fūl sakhī mogrānā fūl,
Shrījīne pyārā bahu mogrānā fūl...
Lakshmīvādi Shrījīnī rūḍī raḷiyāmaṇī,
Pushpo levāne hu to premethī chālī,
Khīlyā khīlyā re tyā to mangamtā fūl... Shrījī 1
Ḍolar gulāb gul champo chamelī,
Ketkī kareṇ jāī jui albelī,
Mogrānī pānkhḍīmā saurabh amūl... Shrījī 2
Fūlḍe fūlḍe me nām Shrījīnu līdhu,
Vīṇī vīṇīne māru manḍu proī dīdhu,
Ekso ne āṭh chuntyā mogrānā fūl... Shrījī 3
Mogrānī māḷā gunthī māv kavi rāye,
Kāvyanī kusum maḷ kadī nā karmāye,
Viṇguṇ e māḷā taṇā mūl chhe amūl... Shrījī 4