કીર્તન મુક્તાવલી
જુવો છબી શ્યામ સુંદરવર કેરી રે
૧-૭૫૫: સદ્ગુરુ ભૂમાનંદ સ્વામી
Category: લીલાનાં પદો
પદ - ૨
જુવો છબી શ્યામ સુંદરવર કેરી રે,
હીરની નાડી સૂંથણલી સોનેરી રે... ꠶ ૧
જરકસી જામો બુટ્ટાદાર રે,
કસિયો કમર સોનેરી કટાર રે... ꠶ ૨
શિર પર પાઘ પેચાળી નવરંગી રે,
કાને ગુચ્છ ગુલાબી માથે કલંગી રે... ꠶ ૩
ગજરા તોરા ગળે ગુલાબના હાર રે,
આવી ઉપર ભ્રમર કરે છે ગુંજાર રે... ꠶ ૪
પોંચી કડાં બાંયે બાજૂબંધ રે,
નંગ જડ્યાં કુંડળ મોતીનાં વૃંદ રે... ꠶ ૫
વેગે જુઓ વરણાગિયો વનમાળી રે,
શીતળ થયો ભૂમાનંદ કહે ભાળી રે... ꠶ ૬
Juvo chhabī Shyām sundarvar kerī re
1-755: Sadguru Bhoomanand Swami
Category: Leelana Pad
Pad - 2
Juvo chhabī Shyām sundarvar kerī re,
Hīrnī nāḍī sūṭhaṇlī sonerī re... 1
Jarkasī jāmo buttādār re,
Kasiyo kamar sonerī katār re... 2
Shir par pāgh pechāḷī navrangī re,
Kāne guchchh gulābī mathe kalangī re... 3
Gajrā torā gaḷe gulābnā hār re,
Āvī upar bhramar kare chhe gunjār re... 4
Ponchī kaḍā bāye bājūbandh re,
Nang jaḍyā kunḍaḷ motīnā vrund re... 5
Vege juo varṇāgīyo Vanmāḷī re,
Shītaḷ thayo Bhumānand kahe bhāḷī re... 6