કીર્તન મુક્તાવલી
સુખદાયક રે સાચા સંતનો સંગ
૧-૭૦૬: સદ્ગુરુ મુક્તાનંદ સ્વામી
Category: સંત મહિમાનાં પદો
પદ - ૧
સુખદાયક રે, સાચા સંતનો સંગ,
સંત સમાગમ કીજીએ... ꠶ટેક
જી રે સંત સમાગમથી ટળે, આશા તૃષ્ણા રે,
ઇર્ષ્યા અભિમાન, મોહ મત્સર મમતા બળે;
પ્રગટે ઉરમાં રે, પ્રભુનું દૃઢ જ્ઞાન... સંત꠶ ૧
જી રે સંત સમાગમથી થયા, મુનિ નારદ રે,
હરિનું મન આપ, અનેક પતિત ઉદ્ધારિયા;
તેના જશનો રે, મોટો પરતાપ... સંત꠶ ૨
જી રે સિદ્ધ થયા સત્સંગથી, શુક આદિક રે,
મુનિવર સુખ રૂપ, ચિત્ત ચોંટ્યું હરિ ચરણમાં;
જાણ્યો સંતથી રે, મોટો મરમ અનૂપ... સંત꠶ ૩
જી રે મહિમા મોટો છે મહંતનો, જેને સેવે રે,
છૂટે માયાનું જાળ, પ્રીત વધે પરબ્રહ્મમાં;
મુક્તાનંદ કહે રે, તજી આળ પંપાળ... સંત꠶ ૪
Sukhdāyak re sāchā santno sang
1-706: Sadguru Muktanand Swami
Category: Sant Mahima Pad
Pad - 1
Sukhdāyak re, sāchā santno sang,
Sant samāgam kījīe...
Jīre sant samāgamthī ṭaḷe, āshā trushṇā re,
Īrshyā abhimān, moh matsar mamtā baḷe;
Pragaṭe urmā re, Prabhunu dradh gnān... sant 1
Jī re sant samāgamthī thayā, muni Nārad re,
Harinu man āp, anek patit uddhāriyā;
Tenā jashno re, moṭo partāp... sant 2
Jī re siddha thayā satsangthī, Shuk ādik re,
Munīvar sukh rūp, chitt chotyu Hari charaṇmā;
Jāṇyo santthī re, moṭo maram anūp... sant 3
Jī re mahimā moṭo chhe mahantno, jene seve re,
Chhuṭe māyānu jāḷ, prīt vadhe Parabrahmamā;
Muktānand kahe re, tajī āḷ pampāḷ... sant 4
