કીર્તન મુક્તાવલી
સોના અંબાડીએ હાથી શણગારિયો
૧-૩૩૬: નારાયણદાસ
Category: મૂર્તિનાં પદો
સોના અંબાડીએ હાથી શણગારિયો,
ગજે બેઠા ગિરધારી રે કોઈ જોવાને આવો... ꠶ટેક
હણહણતા ઘોડા ને પાળા રૂપાળા,
આગે ચાલી અસવારી રે, કોઈ જોવાને આવો... ૧
જામો જરીનો ને પાઘ પેચાળી,
છોગલીએ હદ વાળી રે, કોઈ જોવાને આવો... ૨
કાનોમાં કુંડળ ને મોતીડાંની માળા,
હાર પે’ર્યો છે હજારી રે, કોઈ જોવાને આવો... ૩
વાજાં તે વાગે ને છતર છાજે,
ચમર કરે બ્રહ્મચારી રે, કોઈ જોવાને આવો... ૪
સંત ને હરિજન કીર્તન ગાવે,
મૂર્તિ માવાની ઉર ધારી રે, કોઈ જોવાને આવો... ૫
નરનારી આવે ને મોતીડે વધાવે,
શેરીમાં ભીડ થઈ ભારી રે, કોઈ જોવાને આવો... ૬
નારાયણદાસનો નાથ પધાર્યા,
અવતારના અવતારી રે, કોઈ જોવાને આવો... ૭
Sonā ambāḍīe hāthī shaṇgāriyo
1-336: Narayandas
Category: Murtina Pad
Sonā ambāḍīe hāthī shaṇgāriyo,
Gaje beṭhā Girdhārī re koī jovāne āvo...
Haṇhaṇtā ghoḍā ne pāḷā rūpāḷā,
Āge chālī asvārī re, koī jovāne āvo... 1
Jāmo jarīno ne pāgh pechāḷī,
Chhogalīe had vāḷī re, koī jovāne āvo... 2
Kānomā kunḍaḷ ne motīḍānī māḷā,
Hār pe’ryo chhe hajārī re, koī jovāne āvo... 3
Vājā te vāge ne chhatar chhāje,
Chamar kare brahmachārī re, koī jovāne āvo... 4
Sant ne harijan Kīrtan gāve,
Mūrti māvānī ur dhārī re, koī jovāne āvo... 5
Narnārī āve ne motīḍe vadhāve,
Sherīmā bhīḍ thaī bhārī re, koī jovāne āvo... 6
Nārāyaṇdāsno Nāth padhāryā,
Avatārnā avatārī re, koī jovāne... 7