કીર્તન મુક્તાવલી
સખી હૈડે તે હરખ ન માય આજ દિવાળી રે
૧-૨૩૫: સદ્ગુરુ બ્રહ્માનંદ સ્વામી
Category: ઉત્સવનાં પદો
દિવાળી (આસો વદ - ૩૦)
સખી હૈડે તે હરખ ન માય, આજ દિવાળી રે;
હું તો મગન થઈ મનમાંય, ભૂધર ભાળી રે... ꠶ટેક
સુંદર શ્યામ સોહામણો રે, સુંદર ગજ ગતિ ચાલ;
સુંદર શોભા અંગની હું તો નીરખીને થઈ છું નિહાલ... ꠶ ૧
નેણ મનોહર નાથનાં રે, હૈડે મનોહર હાર;
સુભગ મનોહર શ્યામળો વ્હાલો, નટવર ધર્મકુમાર... ꠶ ૨
બાજૂ નૌતમ બેરખા રે, બેહદ નૌતમ બાન;
બ્રહ્માનંદના નાથનું થઈ, રૂપ જોઈ ગુલતાન... ꠶ ૩
Sakhī haiḍe te harakh na māy āj diwāḷī re
1-235: Sadguru Brahmanand Swami
Category: Utsavna Pad
Diwāḷī (Āso vad - 30)
Sakhī haiḍe te harakh na māy, āj Diwāḷī re;
Hu to magan thaī manmāy, Bhūdhar bhāḷī re...
Sundar Shyām sohāmaṇo re, sundar gaj gati chāl;
Sundar shobhā angnī hu to, nīrakhīne thaī chhu nihāl... 1
Neṇ manohar Nāthnā re, haiḍe manohar hār;
Subhag manohar Shyāmḷo vahālo, Naṭvar Dharmakumār... 2
Bājū nautam berkhā re, behad nautam bān;
Brahmānandnā Nāthnu thaī, rūp joī gultān... 3
