કીર્તન મુક્તાવલી
ઝૂલો ઝૂલો રે કેસરિયાવર હિંડોરડે
૧-૨૧૯: સદ્ગુરુ પ્રેમાનંદ સ્વામી
Category: ઉત્સવનાં પદો
હિંડોળા પર્વ (અષાઢ વદ ૨ થી શ્રાવણ વદ ૨)
દોહા
સુંદર ૠતુ સોહામણી, ને આવ્યો શ્રાવણ માસ;
વીજલડી ચમકા કરે, વાદળ છાયો આકાશ. ૧
ઝરમર વરસે મેહુલો, ગરજે ગગન ઘનઘોર;
કોયલડી ટહુકા કરે, મુધરા બોલે મોર. ૨
શી કહું શોભા આજની, શોભે શ્રી ઘનશ્યામ;
અંગોઅંગ છબી નીરખતાં, લાજે કોટિક કામ. ૩
હીંડોળો સુંદર અતિ, શોભા કહી નવ જાય;
નીરખી સહુ નરનારીનાં, ચિતડાં રહ્યાં લોભાય. ૪
હુશ્યે હરિવર ઝૂલિયે, હીંડોળે બળવીર;
ઝરમર વરસે મેહુલો, ત્રિવિધ વહે સમીર. ૫
શોભા શ્રી ઘનશ્યામની, રસના કહી ન જાય;
રૂપ જોઈ રંગછેલનું, નેણાં તૃપ્ત ન થાય. ૬
વિબુધ વિમાને ચઢી ચઢી, જોવે આવી આકાશ;
હીંડોળે ઝૂલે હરિ, ઝુલાવે નિજ દાસ. ૭
ઝૂલો ઝૂલો રે કેસરિયાવર હિંડોરડે રે... ꠶ટેક
રતન હિંડોળે શ્યામ બિરાજે, આગે તાલ પખવાજ વાજે... ૧
ગુણીજન ગાયે સમાજે, તોડે તાનને રે,
ઝૂલે છેલ છબીલો છેલો, રસિયો રંગભીનો અલબેલો... ૨
હસતાં સામું હેરે, ચાવે પાનને રે,
વરસે શ્રાવણ માસ ફુવારા, મોર બપૈયા બોલે સારા... ૩
ગોપી સર્વે ગાયે, મધુરાં ગાનને રે,
નીરખી નટવરલાલ વિહારી, પ્રેમ મગન ફૂલી વ્રજનારી,
પ્રેમાનંદ બલિહારી ભીના વાનને રે... ૪
Jhūlo jhūlo re kesariyāvar hinḍoraḍe
1-219: Sadguru Premanand Swami
Category: Utsavna Pad
Hinḍoḷā Parva (Aṣhāḍh Vad 2 to Shrāvaṇ Vad 2)
Dohā
Sundar rutu sohamaṇī ne avyo Shravaṇ mās
Vījalaḍī chamkā kare, vādaḷ chhāyo ākāsh. 1
Jharmar varse mehulo, garje gagan ghanghor;
Koyalḍī ṭahukā kare, madhurā bole more. 2
Shī kahu shobhā ājnī, shobhe Shrī Ghanshyām;
Angoang chhabī nīrakhtā, lāje koṭik kām. 3
Hīnḍoḷo sundar ati, shobhā kahī nav jāy;
Nīrakhī sahu narnārīnā, chitḍā rahyā lobhāy. 4
Hushye Harivar jhuliye, hīnḍoḷe baḷvīr;
Jharmar varse mehulo, trividh vahe samīr. 5
Shobhā Shrī Ghanshyāmnī, rasnā kahī na jāy;
Rūp joī rangchhelnu, neṇā trupt na thay. 6
Vibudh vimane chaḍhī chaḍhī, jove āvī ākāsh;
Hīnḍoḷe jhūle Hari, jhulāve nij dās. 7
Jhūlo jhūlo re kesariyāvar hinḍorḍe re
Ratan hinḍoḷe Shyām birāje, āge tāl pakhvāj vāje... 1
Guṇijan gāye samāje, toḍe tānne re,
Jhūle chhel chhabīlo chhelo, rasiyo rangbhīno albelo... 2
Hastā sāmu here, chāve pānne re,
Varse Shrāvaṇ mās fuvārā, mor bapaiyā bole sārā... 3
Gopī sarve gāye, madhurā gānne re,
Nirakhī Naṭvarlāl vihārī, prem magan fūlī Vrajnārī,
Premānand balihārī bhīnā vānne re... 4
