કીર્તન મુક્તાવલી
અવિનાશી આવો રે જમવા શ્રીકૃષ્ણ હરિ
૧-૧૫૮: સદ્ગુરુ પ્રેમાનંદ સ્વામી
Category: થાળ
અવિનાશી આવો રે, જમવા શ્રીકૃષ્ણ હરિ,
શ્રી ભક્તિધર્મસુત રે, જમાડું પ્રીત કરી ... ૧
શેરડિયો વાળી રે, ફૂલડાં વેર્યાં છે,
મળિયાગર મંદિર રે, લીપ્યાં લેર્યાં છે ... ૨
ચાખડિયો પહેરી રે, પધારો ચટકંતા,
મંદિરિયે મારે રે, પ્રભુજી લટકંતા ... ૩
બાજોઠે બેસારી રે, ચરણકમળ ધોવું,
પામરીએ પ્રભુજી રે, પાવલિયા લોવું ... ૪
ફુલેલ સુગંધી રે, ચોળું શરીરે,
હેતે નવરાવું રે, હરિ ઊને નીરે ... ૫
પહેરાવું પ્રીતે રે, પીતાંબર ધોતી,
ઉપરણી ઓઢાડું રે, અતિ ઝીણાં પોતી ... ૬
કેસર ચંદનનું રે, ભાલે તિલક કરું,
વંદન કરી સ્વામી રે, ચરણે શીશ ધરું ... ૭
ઉર હાર ગુલાબી રે, ગજરા બાંધીને,
નીરખું નારાયણ રે, દૃષ્ટિ સાંધીને ... ૮
શીતળ સુગંધી રે, કળશ ભર્યા જળના,
ઉલેચ બાંધ્યા છે રે, ઉપર મખમલના ... ૯
કંચન બાજોઠે રે, બિરાજો બહુનામી,
પકવાન પીરસી રે, થાળ લાવું સ્વામી ...૧૦
મોતૈયા લાડુ રે, સેવૈયા સારા,
તમ કાજ કર્યા છે રે, લાખણસાઈ પ્યારા ...૧૧
મગદળ (ને) સેવદળ રે, લાડુ દળના છે,
ખાજા ને ખુરમા રે, ચૂરમાં ગોળનાં છે ...૧૨
જલેબી ઘેબર રે, બરફી બહુ સારી,
પેંડા પતાસાં રે, સાટાં સુખકારી ...૧૩
મરકી ને મેસુબ રે, જમો જગવંદનજી,
સૂતરફેણી (છે) રે, ભક્તિનંદનજી ...૧૪
ગગન ને ગાંઠિયા રે, ગુંદવડાં વાલા,
ગુંદરપાક જમજો રે, ધર્મતણા લાલા ...૧૫
એલાયચી દાણા રે, ચણા છે સાકરિયા,
ગુલાબપાક સુંદર રે, જમજો ઠાકરિયા ...૧૬
ટોપરાપાક ટાઢો રે, સકરપારા સારા,
સેવો ઘી સાકર રે, તમે છો જમનારા ...૧૭
કેસરિયો બીરંજ રે, ગળ્યો ને મોળો છે,
સાકરનો શીરો રે, હરીસો ધોળો છે ...૧૮
લાપસી કંસારમાં રે, ઘી બહુ રસબસ છે,
ખીર ખાંડ ઘી રોટલી રે, જમો બહુ સરસ છે ...૧૯
બદામ ચારોળી રે, દ્રાક્ષ (તે) નાખીને,
દૂધપાક કર્યો છે રે, જુઓ હરિ ચાખીને ...૨૦
પૂરી કચોરી રે, પૂરણપોળી છે,
રોટલીઓ ઝીણી રે, ઘીમાં બોળી છે ...૨૧
પાપડ ને પૂડલા રે, મીઠા માલપૂડા,
માખણ ને મિસરી રે, માવો દહીંવડા ...૨૨
ઘઉંની છે બાટી રે, બાજરાની પોળી,
ઝાઝી વાર ઘીમાં રે, હરિ મેં ઝબકોળી ...૨૩
તલસાંકળી સુંદર રે, બીજી ગળપાપડી,
ગાંઠિયા ને કળી રે, ત્રીજી ફૂલવડી ...૨૪
ભજિયાં ને વડાં રે, સુંદર દહીંથરિયાં,
વઘાર્યા ચણા રે, માંહી મીઠું મરિયાં ...૨૫
ગુંજા ને મઠિયાં રે, ફાફડા ફરસા છે,
અળવી આદાનાં રે, ભજિયાં સરસાં છે ...૨૬
કંચન કટોરે રે, પાણી પીજો જી,
જે જે કાંઈ જોઈએ રે, માગી લેજો જી ...૨૭
રોટલી રસ સાકર રે, જમજો અલબેલા,
રાયણ ને રોટલી રે, ખાંડ કેળાં છેલા ...૨૮
મુરબ્બા કર્યા છે રે, કેરી દ્રાક્ષ તણા,
સુંદરવર જમજો રે, રાખશો મા મણા ...૨૯
કટોરા પૂર્યા રે, સુંદર શાકોના,
કેટલાંક ગણાવું રે, છે ઝાઝાં વાનાં ...૩૦
સૂરણ તળ્યું છે રે, સુંદર ઘી ઝાઝે,
અળવી ને રતાળું રે, તળ્યાં છે તમ કાજે ...૩૧
મેં પ્રીત કરીને રે, પરવળ તળિયાં છે,
વંતાક ને વાલોળ રે, ભેળાં ભળિયાં છે ...૩૨
કંકોડાં કોળાં રે, કેળાં કારેલાં,
ગલકાં ને તુરિયાં રે, રૂડાં વઘારેલાં ...૩૩
ચોળા વાલોળો રે, પ્રીત કરી તળિયો,
દૂધિયાં ને ડોડાં રે, ગુવારની ફળિયો ...૩૪
લીલવા વઘાર્યા રે, થયા છે બહુ સારા,
ભીંડાની ફળીઓ રે, તળિયો હરિ મારા ...૩૫
ટાંકો તાંદળજો રે, મેથીની ભાજી,
મૂળા મોગરીઓ રે, સૂવાની તાજી ...૩૬
ચણેચી ડોડી રે, ભાજી સારી છે,
કઢી ને વડી રે, સુંદર વઘારી છે ...૩૭
નૈયાનાં રાયતાં રે, અતિ અનુપમ છે,
મીઠું ને રાઈ રે, માંહી બે સમ છે ...૩૮
કેટલાંક ગણાવું રે, પાર તો નહિ આવે,
સારું સારું જમજો રે, જે તમને ભાવે ...૩૯
ખારું ને મોળું રે, હરિવર કહેજો જી,
મીઠું મરી ચટણી રે, માગી લેજો જી ...૪૦
અથાણાં જમજો રે, સુંદર સ્વાદુ છે,
લીંબુ ને મરચાં રે, આંબળાં આદુ છે ...૪૧
રાયતી ચીરી રે, કેરી બોળ કરી,
ખારેક ને દ્રાક્ષમાં રે, નાખ્યાં લવિંગ મરી ...૪૨
કેરાં ને કરમદાં રે, તળી છે કાચરીઓ,
બીલાં સહુ સારાં રે, વાંસ ને ગરમરીઓ ...૪૩
પંખાળીના ભાતમાં રે, સુંદર સુગંધ ઘણો,
એલાયચીનો પીરસ્યો રે, આંબા મો’ર તણો ...૪૪
મેં કઠણ કરી છે રે, દાળ હરિ તુવેરની,
પાતળી પીરસી છે રે, દાળ હરિ મસુરની ...૪૫
મગ ને અડદની રે, કરી છે ધોઈને,
ચોળા ચણાની રે, ઘીમાં કરમોઈને ...૪૬
દાળ ને ભાત જમજો રે, તમને ભાવે છે,
ચતુરાઈએ જમતાં રે, પ્રીતિ ઉપજાવે છે ...૪૭
દહીં ને ભાત જમજો રે, સાકર નાખી છે,
દૂધ ને ભાત સારુ રે, સાકર રાખી છે ...૪૮
દૂધની તર સાકર રે, ભાત જમો પહેલાં,
સાકર નાખીને રે, દૂધ પીઓ છેલા ...૪૯
જે જે કાંઈ જોઈએ રે, તે કહેજો અમને,
કાંઈ કસર રાખો તો રે, મારા સમ છે તમને ...૫૦
(પાંચ મિનિટ ધ્યાન કરવું)
જીવન જમીને રે, ચળું કરો નાથ,
ચંદન ગારેશું રે, ધોવરાવું હાથ ...૫૧
તજ એલચી જાયફળ રે, જાવંતરી સારી,
કાથો ને ચૂનો રે, સારી સોપારી ...૫૨
નાગરવેલીનાં રે, પાન લાવી પાકાં,
ધોઈને મૂક્યાં છે રે, અનોપમ છે આખાં ...૫૩
માંહી ચૂરણ મેલી રે, બીડી વાળી છે,
લલિત લવિંગની રે, ખીલી રસાળી છે ...૫૪
મુખમાં હું મેલું રે, બીડી પ્રીત કરી,
આરતી ઉતારું રે, પ્રભુજી ભાવ ભરી ...૫૫
ફૂલસેજ બિછાવું રે, પોઢો પ્રાણપતિ,
પાવલિયા ચાંપું રે, હૈડે હરખ અતિ ...૫૬
થાળ ગાયો પ્રીતે રે, ધર્મકુળ મુગટમણિ,
આપો પ્રેમાનંદને રે, પ્રસાદી થાળ તણી ...૫૭
Avināshī āvo re jamvā Shrī Krishṇa Hari
1-158: Sadguru Premanand Swami
Category: Thal
Avināshī āvo re, jamvā Shrī Krishṇa Hari,
Shrī Bhakti Dharmasut re jamāḍu prīt karī... 1
Sheraḍiyo vāḷī re, fūlḍā veryā chhe,
Maḷīyāgar mandir re līpyā leryā chhe... 2
Chākhaḍīyo paherī re, padhāro chaṭkantā,
Mandiriye māre re Prabhujī laṭkantā... 3
Bājoṭhe besārī re, charaṇkamaḷ dhovu,
Pāmarīe Prabhujī re pāvaliyā lovu... 4
Fulel sugandhī re, choḷu sharīre,
Hete navrāvu re Hari ūne nīre... 5
Paherāvu prīte re, pītāmbar dhotī,
Uparanī odhāḍu re ati jhīṇā potī... 6
Kesar chandannu re, bhāle tilak karu,
Vandan karī Swāmī re charaṇe shīsh dharū... 7
Ur hār gulābī re, gajrā bāndhīne,
Nīrakhu Nārāyaṇ re drashṭi sāndhīne... 8
Shital sugandhī re, kaḷash bharyā jaḷnā,
Ulech bāndhyā chhe re upar makhmalnā... 9
Kanchan bājoṭhe re, birājo bahunāmī,
Pakvān pīrsī re thāḷ lāvu Swāmī... 10
Motaiyā lāḍu re, sevaiyā sārā,
Tam kāj karyā chhe re lākhaṇsāī pyārā... 11
Magdaḷ (ne) sevdaḷ re, lāḍu ḍaḷnā chhe,
Khājā ne khurmā re churmā goḷnā chhe... 12
Jalebī ghebar re, barfī bahu sārī,
Penḍā patāsā re sāṭā sukhkārī... 13
Markī ne mesub re, jamo Jagvandanjī,
Sutarfeṇī (chhe) re Bhaktinandanjī... 14
Gagan ne gānṭhīyā re, gundvaḍā vālā,
Gundarpāk jamjo re Dharmataṇā Lālā... 15
Elāychī dāṇā re, chaṇā chhe sākariyā,
Gulābpāk sundar re jamjo thākariyā... 16
Ṭoprāpāk ṭādho re, sakkarpārā sārā,
Sevo ghī sākar re tame chho jamnārā... 17
Kesariyo bīranj re, gaḷyo ne moḷo chhe,
Sākarno shiro re Harīso dhoḷo chhe... 18
Lāpsī kansārmā re, ghī bahu rasbas chhe,
Khīr khānḍ ghī rotlī re jamo bahu saras chhe... 19
Badām chāroḷī re, drāksh (te) nākhīne,
Dūdhpāk karyo chhe re juo Hari chākhīne... 20
Pūrī kachorī re, pūraṇpoḷī chhe,
Rotalīo jhīṇī re ghīmā bolī chhe... 21
Pāpaḍ ne pūḍlā re, mīṭhā mālpūḍā,
Mākhaṇ ne misrī re māvo dahīvaḍā... 22
Ghaunī chhe bāṭī re, bājrānī poḷī,
Jhājhī vār ghīmā re Hari me jhabkoḷi... 23
Talsānkḷī sundar re, bījī galpāpḍī,
Gānṭhiyā ne kaḷī re trījī fūlvaḍī... 24
Bhajiyā ne vaḍā re, sundar dahīthariyā,
Vagharyā chaṇā re māhī mīṭhu mariyā... 25
Gunjā ne maṭhiyā re, fāfḍā farsā chhe,
Aḷvī ādānā re bhajiyā sarsā chhe... 26
Kanchan kaṭore re, pāṇī pījo jī,
Je je kāī joī re māgī lejo jī... 27
Rotlī ras sākar re, jamjo albelā,
Rāyaṇ ne rotlī re khānḍ keḷā chhelā... 28
Mūrabbā karyā chhe re, kerī drāksh taṇā,
Sundarvar jamjo re rākhsho mā maṇā... 29
Kaṭorā pūryā re, sundar shākonā,
Keṭlāk gaṇāvu re chhe jhājhā vānā... 30
Sūraṇ taḷyu chhe re, sundar ghī jhājhe,
Aḷvī ne ratāḷu re taḷyā chhe tam kāje... 31
Me prīt karīne re, parvaḷ taḷīyā chhe,
Vantāk ne vāloḷ re bheḷā bhaḷiyā chhe... 32
Kankoḍā koḷā re, keḷā kārelā,
Galkā ne turiyā re rūḍā vagharelā... 33
Choḷā vāloḷo re, prīt karī taḷiyo,
Dūdhiyā ne ḍoḍā re guvārnī faḷīyo... 34
Līlvā vagharyā re, thayā chhe bahu sārā,
Bhīndānī faḷīo re taḷīyo Hari mārā... 35
Ṭānko tāndaḷjo re, methīnī bhājī,
Muḷā mogrīo re suvānī tājī... 36
Chaṇechī doḍī re, bhājī sārī chhe,
Kaḍhī ne vaḍī re sundar vaghārī chhe... 37
Naiyānā rāytā re, ati anupam chhe,
Mīṭhu ne rāī re māhī be sam chhe... 38
Keṭlāk gaṇāvu re, pār to nahi āve,
Sāru sāru jamjo re je tamne bhāve... 39
Khāru ne moḷu re, Harivar kahejo jī,
Mīṭhu marī chatnī re māgī lejo jī... 40
Athāṇā jamjo re, sundar svādu chhe,
Līmbu ne marchā re āmbḷā āḍu chhe... 41
Rāytī chīrī re, kerī boḷ karī,
Khārek ne drākshmā re nākhyā laving marī... 42
Kerā ne karamdā re, taḷī chhe kācharīo,
Bīlā sahu sārā re vāns ne garmarīo... 43
Pankhāḷīnā bhātmā re, sundar sugandh ghaṇo,
Elāychīno pīrasyo re āmbā mo’r taṇo... 44
Me kathaṇ karī chhe re, dāḷ Hari tuvernī,
Pātḷī pīrsī chhe re dāḷ Hari masurnī... 45
Mag ne aḍadnī re, karī chhe dhoīne,
Choḷā chaṇānī re ghīmā karmoīne... 46
Dāḷ ne bhāt jamjo re, tamne bhāve chhe,
Chaturāīe jamtā re prīti upjāve chhe... 47
Dahī ne bhāt jamjo re, sākar nākhī chhe,
Dūdh ne bhāt sāru re sākar rākhī chhe... 48
Dūdhnī tar sākar re, bhāt jamo pahelā,
Sākar nākhīne re dūdh pīo chhelā... 49
Je je kāī joī re, te kahejo amne,
Koī kasar rākho to re mārā sam chhe tamne... 50
(Meditate for 5 minutes)
Jīvan jamīne re, chaḷu karo Nāth,
Chandan gāreshu re dhovrāvu hāth... 51
Taj elchī jāyfaḷ re, jāvantrī sārī,
Kātho ne chuno re sārī sopārī... 52
Nāgarvelīnā re, pān lāvī pākā,
Dhoīne mūkyā chhe re anopam chhe ākhā... 53
Māhi churaṇ melī re, bīdī vāḷī chhe,
Lalīt lavingnī re khīlī rasālī chhe... 54
Mukhmā hu melu re, bīdī prīt karī,
Ārtī utāru re Prabhujī bhāv bharī... 55
Fūlsej bichhāvu re, poḍho Prāṇpati,
Pāvaliyā chāmpu re haiḍe harakh ati... 56
Thāḷ gāyo prīte re, Dharmakuḷ mugaṭmaṇi,
Āpo Premānandne re prasādi thāḷ taṇī... 57
