કીર્તન મુક્તાવલી
ઘણા મોંઘા જે ઘનશ્યામ નાવે નજરે ન મળે કોઈને રે
૧-૧૦૫૭: સદ્ગુરુ નિષ્કુળાનંદ સ્વામી
Category: ચોસઠપદી
પદ - ૨૬
ઘણા મોંઘા જે ઘનશ્યામ, નાવે નજરે ન મળે કોઈને રે;
અક્ષરવાસી આઠું જામ, જેને રહ્યા છે અખંડ જોઈને રે... ૧
અતિ થઈને દીન આધીન, નિત્ય નમાવે છે શીશને રે;
લગની લગાડી લેલીન, જોઈ રહ્યા છે જગદીશને રે... ૨
એવા મુક્તને મળવા કાજ, મોટા ઇચ્છે છે મનમાં રે;
શિવ બ્રહ્મા ને સુરરાજ, તે તો તલસે છે તનમાં રે... ૩
એવા દેવતાનાં દર્શન, થાતાં નથી થોડી વાતમાં રે;
નિષ્કુળાનંદ વિચારો મન, આવો રહસ્ય બેસી એકાંતમાં રે... ૪
Ghaṇā mongha je Ghanshyām nāve najare na maḷe koīne re
1-1057: Sadguru Nishkulanand Swami
Category: Chosath Padi
Pad 26
Ghaṇā mongha je Ghanshyām, nāve najare na maḷe koīne re;
Aksharvāsī āṭhu jām, jene rahyā chhe akhanḍ joīne re... 1
Ati thaīne dīn ādhīn, nitya namāve chhe shīshne re;
Lagnī lagāḍī lelīn, joī rahyā chhe Jagdīshne re... 2
Evā muktane maḷvā kāj, moṭā īchchhe chhe manmā re;
Shīv Brahmā ne Surrāj, te to talse chhe tanmā re... 3
Evā devtānā darshan, thātā nathī thoḍī vātmā re;
Nishkuḷānand vichāro man, āvo rahasya besī ekāntmā re... 4
