કીર્તન મુક્તાવલી
જોગી તારા નામનો પ્રતાપ
૨-૧૧૯: કાગ બાપુ
Category: યોગીજી મહારાજનાં પદો
જોગી તારા નામનો પ્રતાપ, મટિયા ત્રિવિધિના તાપ... ꠶ટેક
સમરણ, દર્શન, સ્પર્શ, ચિંતન, એનાં મૂલ અમાપજી,
તારી કૃપાનું મૂલ કેટલું, માપી શકાય ના માપ... જોગી꠶ ૧
દેહ જીરણ ખોખા જેવો, તારાં આતમ જોર અમાપજી,
શબદ તારા વ્રેમંડ વીંધે, સમાવે સંતાપ... જોગી꠶ ૨
તારી દયાના મેઘ મંડાણા, વાદળ વરસે આપજી,
કાયર છતરી ઉઘાડી બેઠા, એના ઓલાયા નહિ તાપ... જોગી꠶ ૩
‘કાગ’ જીવડે વાળ્યો કછોટો, સમાવવા સંતાપજી,
સારંગપુરમાં મળિયો સાધુ, ભવોભવનો બાપ... જોગી꠶ ૪
Jogī tārā nāmno pratāp
2-119: Kaag Bapu
Category: Yogiji Maharajna Pad
Jogī tārā nāmno pratāp, maṭiyā trividhinā tāp... °ṭek
Samaraṇ, darshan, sparsha, chintan, enā mūl amāpjī,
Tārī kṛupānu mūl keṭalu, māpī shakāy nā māp... Jogī° 1
Deh jīraṇ khokhā jevo, tārā ātam jor amāpjī,
Shabad tārā vremanḍ vīndhe, samāve santāp... Jogī° 2
Tārī dayānā megh manḍāṇā, vādaḷ varse āpjī,
Kāyar chhatrī ughāḍī beṭhā, enā olāyā nahi tāp... Jogī° 3
‘Kāg’ jīvḍe vāḷyo kachhoṭo, samāvvā santāpjī,
Sārangpurmā maḷiyo sādhu, bhavo-bhavno bāp... Jogī° 4