કીર્તન મુક્તાવલી
ધ્યાન ધર ધ્યાન ધર ધર્મના પુત્રનું
૧-૬૪: સદ્ગુરુ મુક્તાનંદ સ્વામી
Category: પ્રભાતિયાં
પદ - ૧
ધ્યાન ધર ધ્યાન ધર ધર્મના પુત્રનું, જે થકી સર્વ સંતાપ નાસે;
કોટિ રવિચંદ્રની કાંતિ ઝાંખી કરે, એવા તારા ઉર વિષે નાથ ભાસે ꠶૧
શિર પર પુષ્પનો મુગટ સોહામણો, શ્રવણ પર પુષ્પના ગુચ્છ શોભે;
પુષ્પના હારની પંક્તિ શોભે ગળે, નીરખતાં ભક્તનાં મન લોભે ꠶૨
પચરંગી પુષ્પનાં કંકણ કર વિષે, બાંયે બાજૂબંધ પુષ્પ કેરાં;
ચરણમાં શ્યામને નેપુર પુષ્પના, લલિત ત્રિભંગી શોભે ઘણેરાં ꠶૩
અંગોઅંગ પુષ્પનાં આભરણ પહેરીને, દાસ પર મહેરની દૃષ્ટિ કરતા;
કહે છે મુક્તાનંદ ભજ દૃઢ ભાવશું, સુખ તણા સિંધુ સર્વે કષ્ટ હરતા ꠶૪
Dhyān dhar dhyān dhar Dharmanā putranu
1-64: Sadguru Muktanand Swami
Category: Prabhatiya
Pad - 1
Dhyān dhar dhyān dhar Dharmanā putranu,
Je thakī sarva santāp nāse;
Koṭi ravichandranī kānti jhānkhī kare,
Evā tārā ur vishe Nāth bhāse. 1
Shir par pushpano mugat sohāmaṇo,
Shravaṇ par pushpano guchchh shobhe;
Pushpanā hārnī pankti shobhe gaḷe,
Nīrakhtā bhaktanā man lobhe. 2
Pachrangī pushpanā kankaṇ kar vishe,
Bāye bājūbandh pushpa kerā;
Charaṇmā Shyāmne nepur pushpanā,
Lalit tribhangī shobhe ghanerā. 3
Angoang pushpanā ābharaṇ paherīne,
Dās par maheranī drashṭi kartā;
Kahe chhe Muktānand bhaj dradh bhāvshu,
Sukh taṇā sindhu sarve kashṭ hartā. 4