કીર્તન મુક્તાવલી
મારે મંદિરે પધાર્યા શ્યામ થઈ બડભાગી
૧-૬૩૩: સદ્ગુરુ યોગાનંદ સ્વામી
Category: પ્રાપ્તિ ને મહિમાનાં પદો
મારે મંદિરે પધાર્યા શ્યામ થઈ બડભાગી,
મારે હરિવર સાથે હેતશું લગની લાગી... ꠶ ૧
મારા મનની પૂરી હામ કૃતારથ કીધી,
ભવ બૂડતાં મારી બાંહ્ય ગ્રહીને લીધી... ꠶ ૨
મારા મનમાં વસિયા માવ તાપ સર્વે ટાળ્યા,
મને મગન કરી મહારાજ દુર્ગપુર ચાલ્યા... ꠶ ૩
મને કરવું ન સૂઝે કામ કહો કેમ કરીએ,
જબ મિલે ન સહજાનંદ ઠામ ક્યાં ઠરીએ... ꠶ ૪
એ સુખની શી કહું વાત કહી નથી જાતી,
એ સુખ સંભારતાં આજ ફાટે મારી છાતી... ꠶ ૫
કહે યોગાનંદ મુનિરાય ભજી લો પ્રીતે,
નહિ આવે જમના દૂત શાસ્ત્રની રીતે... ꠶ ૬
Māre mandire padhāryā Shyām thaī baḍbhāgī
1-633: Sadguru Yoganand Swami
Category: Prapti ne Mahimana Pad
Māre mandire padhāryā Shyām thaī baḍbhāgī,
Māre Harivar sāthe hetshu lagnī lāgī... 1
Mārā mannī pūri hām krutārath kīdhī,
Bhav būḍtā mārī bāhya grahīne līdhī... 2
Mārā manmā vasīyā Māv tāp sarve tāḷyā,
Mane magan karī Mahārāj Durgapur chālyā... 3
Mane karvu na sūjhe kām kaho kem karīe,
Jab mile na Sahajānand ṭhām kyā ṭharīe... 4
E sukhnī shī kahu vāt kahī nathī jātī,
E sukh sambhārtā āj fāṭe mārī chhātī... 5
Kahe Yogānand Munirāy bhajī lo prīte,
Nahī āve Jamanā dut shāstranī rīte... 6