કીર્તન મુક્તાવલી
જુઓ જુઓને હાં હાં રે સાહેલીઓ આજ
૧-૩૩૫: આચાર્ય વિહારીલાલજી મહારાજ
Category: મૂર્તિનાં પદો
જુઓ જુઓને હાં હાં રે,
જુઓ જુઓને સાહેલીઓ આજ, રસિયો રાસ રમે;
પંચાળામાં, હાં રે પંચાળામાં, શ્રીજીમહારાજ રસિયો રાસ રમે ꠶ટેક
નિર્મળ રજની છે અજવાળી, નિર્મળ વેલી વન રે;
નિર્મળ મનના નિજ સખામાં, નિર્મળ પ્રાણજીવન... રસિયો꠶ ૧
દીવાની માંડવડી વચ્ચે, જાણે દીપક ઝાડ રે;
ફરફર જનમાં ફેરા ફરતા, કરતા રસની રાડ... રસિયો꠶ ૨
તાળી પાડે શ્રીવનમાળી, મુનિ સાથે મુનિનાથ રે;
ઇન્દ્રાદિક જોવાને આવ્યા, શિવ બ્રહ્મા સંગાથ... રસિયો꠶ ૩
શ્યામ વરણના નિજ શરીરે, સોનેરી શણગાર રે;
ગગન વિષે જેમ વીજળી ઝબકે, શોભા એમ અપાર... રસિયો꠶ ૪
પાઘ વિષે છોગાં છેલાને, કમર કસી કરી જોર રે;
ઊલટ સૂલટ નટવર નાચે છે, શ્રીહરિ ધર્મકિશોર... રસિયો꠶ ૫
ઊંચા સ્વરથી તાન ઉપાડે, જન સંગ જીવનપ્રાણ રે;
સારો સ્વર કોઈ સુણી સખાનો, વહાલો કરે વખાણ... રસિયો꠶ ૬
ધીમ ધીમ ધીમ ધીમ દુક્કડ વાગે, તનનન તનન સતાર રે;
ઝાંઝ વગાડે ઝણણણ ઝણણણણ, ભેરીના ભણકાર... રસિયો꠶ ૭
ધન્ય ધન્ય પંચાળાની ધરણી, ધન્ય ધન્ય ઝીણાભાઈ રે;
ધન્ય ધન્ય ધન્ય છે ધર્મકુંવરને, રાસ રમ્યા સુખદાઈ... રસિયો꠶ ૮
પંચાળામાં એવા જનને, આપ્યાં સુખ અપાર રે;
વિશ્વવિહારીલાલજી કેરો, ધન્ય ધન્ય આ અવતાર... રસિયો꠶ ૯
Juo juone hā hā re sāhelīo āj
1-335: Acharya Viharilalji Maharaj
Category: Murtina Pad
Juo juone hā hā re,
Juo juone sāhelīo āj, rasiyo rās rame;
Panchālāmā, hā re Panchālāmā,
Shrījī Mahārāj rasiyo rās rame...
Nirmaḷ rajnī chhe ajvāḷī, nīrmaḷ velī van re;
Nirmaḷ mannā nij sakhāmā, nīrmaḷ Prāṇjīvan... rasiyo 1
Dīvāṇī mānḍavḍī vachche, jāṇe dīpakjhāḍ re;
Farfar janmā ferā fartā, kartā rasnī rāḍ... rasiyo 2
Tālī pāḍe Shrī Vanmāḷī, muni sāthe Munināth re;
Indrādik jovāne āvyā, Shīv Brahmā sangāth... rasiyo 3
Shyām varaṇnā nij sharīre, sonerī shaṇgār re;
Gagan vishe jem vijaḷī jhabke, shobhā em apār... rasiyo 4
Pāgh vishe chhogā chhelāne, kamar kasī karī jor re;
Ūlaṭ sūlaṭ Naṭvar nāche chhe,
Shrīhari dharmakishore... rasiyo 5
Ūnchā svarthī tān upāḍe, jan sang Jīvanprāṇ re;
Sāro svar koī suṇī sakhāno, vahālo kare vakhāṇ... rasiyo 6
Dhīm dhīm dhīm dhīm dukkaḍ vāge,
Tana nana tanana satār re;
Jhānjh vagāde jhaṇaṇaṇa jhaṇaṇaṇaṇa,
Bherīnā bhaṇkār... rasiyo 7
Dhanya dhanya Panchālānī dharṇī,
dhanya dhanya Jhīṇābhāī re;
Dhanya dhanya dhanya chhe Dharmakuvarne,
Rās ramyā sukhdāī... rasiyo 8
Panchālāmā evā janne, āpyā sukh apār re;
Vishvavihārīlāljī kero, dhanya dhanya ā avatār... rasiyo 9