કીર્તન મુક્તાવલી
નિત નિત નૌતમ રે (પદ - ૭)
૧-૧૭૬: સદ્ગુરુ પ્રેમાનંદ સ્વામી
Category: લીલા ચિન્તામણિ
પદ - ૭
નિત નિત નૌતમ રે, લીલા કરે હરિરાય;
ગાતાં સુણતાં રે, હરિજન રાજી થાય. ૧
સહજ સ્વભાવે રે, ઉતાવળા બહુ ચાલે;
હેત કરીને રે, બોલાવે બહુ વહાલે. ૨
ક્યારેક ઘોડલે† રે, ચડવું હોય ત્યારે;
ક્યારેક સંતને રે, પીરસવા પધારે. ૩
ત્યારે ડાબે રે, ખભે ખેસને આણી;
ખેસને બાંધે રે, કેડ સંગાથે તાણી. ૪
પીરસે લાડુ રે, જલેબી ઘનશ્યામ;
જણસ જમ્યાની રે, લઈ લઈ તેનાં નામ. ૫
ફરે પંગતમાં રે, વારંવાર મહારાજ;
સંત હરિજનને રે, પીરસવાને કાજ. ૬
શ્રદ્ધા ભક્તિ રે, અતિ ઘણી પીરસતાં;
કોઈના મુખમાં રે, આપે લાડુ હસતાં. ૭
પાછલી રાત્રી રે, ચાર ઘડી રહે ત્યારે;
દાતણ કરવા રે, ઊઠે હરિ તે વારે. ૮
ન્હાવા બેસે રે, નાથ પલાંઠી વાળી;
કર લઈ કળશ્યો રે, જળ ઢોળે વનમાળી. ૯
કોરે વસ્ત્રે રે, કરી શરીરને લુવે;
પ્રેમાનંદ કહે રે, હરિજન સર્વે જુવે. ૧૦
†ઘોડે
Nit nit nautam re (pad - 7)
1-176: Sadguru Premanand Swami
Category: Leela Chintamani
Pad - 7
Nit nit nautam re, līlā kare Harirāy;
Gātā suṇtā re, harijan rājī thāy. 1
Sahaj swabhāve re, utāvḷā bahu chāle;
Het karīne re, bolāve bahu vahāle. 2
Kyārek ghoḍle re, chaḍvu hoy tyāre;
Kyārek santne re, pīrasvā padhāre. 3
Tyāre ḍābe re, khabhe khesne āṇī;
Khesne bāndhe re, keḍ sangāthe tāṇī. 4
Pīrase lāḍu re, jalebī Ghanshyām;
Jaṇas jamyānī re, laī laī tenā nām. 5
Fare pangatmā re, vāramvār Mahārāj;
Sant harijanne re, pīrasvāne kāj. 6
Shraddhā bhakti re, ati ghaṇī pīrastā;
Koīnā mukhmā re, āpe lāḍu hastā. 7
Pāchhalī rātrī re, chār ghaḍī rahe tyāre;
Dātaṇ karvā re, ūṭhe Hari te vāre. 8
Nhāvā bese re, Nāth palāṭhī vāḷī;
Kar laī kaḷashyo re, jaḷ ḍhoḷe Vanmāḷī. 9
Kore vastre re, karī sharīrne luve;
Premānand kahe re, harijan sarve juve. 10