કીર્તન મુક્તાવલી
ભાયલી ગામે આવિયા રાવજી શાંતિલાલ
૨-૩૦૪૧: અજાણ્ય
Category: પ્રમુખસ્વામી મહારાજનાં પદો
(‘સંત પરમ હિતકારી’ નૃત્ય નાટિકાનાં કીર્તનો)
ભાયલી ગામે આવિયા, રાવજી શાંતિલાલ,
ઘનશ્યામ સ્વામી ભેટીયા, કીધું અતિશે વ્હાલ. ૧
ભાયલીથી સૌ ચાલિયા, સાંકરદા શુભ ગામ,
અન્નકૂટ કરવા ત્યાં રહ્યા, સ્વામીશ્રી ઘનશ્યામ. ૨
શાંતિલાલને મોકલ્યા, શંકર ભગતની સાથ,
જા બોચાસણ ભેટશે, શાસ્ત્રીજી મહારાજ. ૩
પણ ત્યાં તો મળિયા નહીં, ગુરુહરિ સાક્ષાત્,
નિર્ગુણદાસ કહે ચલો, એ મળશે અમદાવાદ. ૪
પણ સ્વામી નિર્ગુણ તો, વિચરે ક્યાંના ક્યાંય,
ભાદરણ વડતાલ ને, વળી બોરસદમાં રોકાય. ૫
દિન વિયોગના આવિયા, આવે ગુરુ બહુ યાદ,
કાવિઠા થઈ પહોંચિયા, આખર એ નડિયાદ. ૬
વિરહ તાપમાં શાંતિને, ચઢીયો તાવ શરીર,
ત્યારે સ્વામીજી કહે, હવે વાર ના કરું લગીર. ૭
ચૌદ વરસ વનવાસશા, કાપ્યા ચૌદ દિનરાત,
આવ્યા અંતે તડપતા, શાંતિ અમદાવાદ. ૮
આંબલીવાળી પોળમાં મિલન થયું જે વાર,
થંભી ગઈ ગતિ કાળની, નીરખી બેનો પ્યાર. ૯
ધન્ય ઘડી મુજ જીવનની ને સૌથી શુભ દિન આજ,
ઘણી વાર કહે છે હજી પ્રમુખસ્વામી મહારાજ. ૧૦
Bhāylī gāme āviyā Rāvjī Shāntilāl
2-3041: unknown
Category: Pramukh Swami Maharajna Pad
(‘Sant Param Hitkari’ Kirtans)
Bhāylī gāme āviyā, Rāvjī Shāntilāl,
Ghanshyām Swāmī bheṭīyā, kīdhu atishe vhāl. 1
Bhāylīthī sau chāliyā, Sānkardā shubh gām,
Annakūṭ karvā tyā rahyā, Swāmīshrī Ghanshyām. 2
Shāntilālne mokalyā, Shankar Bhagatnī sāth,
Jā Bochāsaṇ bheṭshe, Shāstrījī Mahārāj. 3
Paṇ tyā to maḷiyā nahi, guruhari sākshāt,
Nirguṇdās kahe chalo, e maḷshe Amdāvād. 4
Paṇ Swāmī Nirguṇ to, vichare kyānā kyāy,
Bhādraṇ Vaḍtāl ne, vaḷī Borsadmā rokāy. 5
Din viyognā āviyā, āve guru bahu yād,
Kāviṭhā thaī pahochiyā, ākhar e Naḍiād. 6
Virah tāpmā Shāntine, chaḍhīyo tāv sharir,
Tyāre Swāmījī kahe, have vār nā karu lagīr. 7
Chaud varas vanvāsshā, kāpyā chaud dinrāt,
Āvyā ante taḍapatā, Shānti Amdāvād. 8
Āmbalīvāḷī Poḷmā milan thayu je vār,
Thambhī gaī gati kāḷnī nīrkhī beno pyār. 9
Dhanya ghaḍī muj jīvannī ne sauthī shubh din āj,
Ghaṇī vār kahe chhe hajī Pramukh Swāmī Mahārāj. 10