કીર્તન મુક્તાવલી
ધન્ય ધન્ય દિન રળિયામણો
૨-૨૦૩: સદ્ગુરુ નિષ્કુળાનંદ સ્વામી
Category: આવી અક્ષરવરની જાન
(કંકોતરી મોકલવાનું)
ધન્ય ધન્ય દિન રળિયામણો, ધન્ય ધન્ય અવસર આજ રે;
લગન લાડીલી મોકલે રે, વે’લા આવો મહારાજ રે... ૧
વાલાજી વિલંબ ન કીજિયે રે, દીજે દરશન દાન રે;
ભૂધર તમને ભેટતાં રે, વળે અમારા વાન રે... ૨
સર્વે અંગે સ્વામી તમને, સ્પરશી પાવન કરું રે;
પિયુજી વે’લેરા પધારજ્યો, આવો અંકજ ભરું રે... ૩
અવગુણ મારા અનેક છે, રખે તે સામું જોતા રે;
અધમ ઓદ્ધારણ બિરુદ છે, રખે તમે તે ખોતા રે... ૪
થોડે લખ્યે ઘણું જાણજ્યો રે, દયા કરજ્યો ઓ દયાળુ રે;
જેમ જાણો તેમ જાણજ્યો રે, છૈયે તમારા પાળુ રે... ૫
છોડતાં છેક છૂટો નહિ રે, તે કેમ છાંડો મહારાજ રે;
નિષ્કુળાનંદના નાથજી રે, બાંય ગ્રહ્યાની લાજ રે... ૬
Dhanya dhanya din raḷiyāmṇo
2-203: Sadguru Nishkulanand Swami
Category: Avi Aksharvarni Jan
(Kankotarī Mokalvānu)
Dhanya dhanya din raḷiyāmṇo, dhanya dhanya avsar āj re;
Lagan lāḍīlī mokale re, ve’lā āvo Mahārāj re... 1
Vālājī vilamb na kījiye re, dīje darshan dān re;
Bhūdhar tamne bheṭtā re, vaḷe amārā vān re... 2
Sarve ange Swāmī tamne, sparshī pāvan karu re;
Piyujī ve’lerā padhārjyo, āvo ankaj bharu re... 3
Avguṇ mārā anek chhe, rakhe te sāmu jotā re;
Adham oddhāraṇ birud chhe, rakhe tame te khotā re... 4
Thoḍe lakhye ghaṇu jāṇajyo re, dayā karajyo o dayāḷu re;
Jem jāṇo tem jāṇajyo re, chhaiye tamārā pāḷu re... 5
Chhoḍatā chhek chhūṭo nahi re, te kem chhānḍo Mahārāj re;
Niṣhkuḷānandnā Nāthjī re, bānya grahyānī lāj re... 6