કીર્તન મુક્તાવલી
આજ સ્વામી ગુણાતીતાનંદમાં રે
૧-૯૨૦: અખંડાનંદ મુનિ
Category: ગુણાતીતાનંદ સ્વામીનાં પદો
સાખી
સર્વોપરી ગુરુ આપણા, સર્વોપરી એની વાત;
સર્વોપરી ધામ શ્રીજીનું, અક્ષરબ્રહ્મ સાક્ષાત ꠶ ૧
સંપૂર્ણ મહિમા શ્રીજીનો, પતિવ્રતાની ટેક,
પેખો સંતો પાંચસો, (પણ) ગુણાતીત તો એક ꠶ ૨
આજ સ્વામી ગુણાતીતાનંદમાં રે,
મુને મળિયા રે પ્રભુ પ્રગટ પ્રમાણ... ꠶ટેક
મૂળ અક્ષર મૂરતિમાન જે રે,
એવા સ્વામી ગુણાતીતાનંદ સુજાણ;
આજ મોક્ષના મેહ વરસાવિયા રે,
એની કરુણાના શિયા કરું વખાણ... ૧
એક કલ્યાણનું આજ ક્યાં રહ્યું રે,
સ્વામી મળતાં રે થયાં કોટિ કલ્યાણ;
આજ સુખના સિંધુ ઊલટ્યા રે,
સર્વે મટી રે મારા મનની તાણ... ૨
ગુણાતીત સ્વામીના સ્વરૂપમાં રે,
સદા રહ્યા રે સહજાનંદ સાક્ષાત;
સ્વામી પૂરણબ્રહ્મ પ્રકાશિયા રે,
સર્વે જનને રે દેવા સુખ આ વાર... ૩
આજ આનંદ ઓઘ વળી રહ્યા રે,
થઈ રહ્યો રે મારે જય જયકાર;
એવા સ્વામી મળ્યે મળ્યા શ્રી હરિ રે,
મુનિ અખંડાનંદ કહે મહિમા અપાર... ૪
Āj Swāmī Guṇātītānandmā re
1-920: Akhandanand Muni
Category: Gunatitanand Swami
Sākhī
Sarvoparī guru āpṇā, sarvoparī enī vāt;
Sarvoparī Dhām Shrījīnu, Aksharabrahma sākshāt. 1
Sampūrṇa mahimā Shrījīno, pativratānī,
Pekho santo pānchso, (pan) Guṇātīt to ek. 2
Āj Swāmī Guṇātītānandmā re,
Mune maḷīyā re Prabhu pragaṭ pramaṇ...
Mūḷ Akshar mūrtimān je re,
Evā Swāmī Guṇātītānand sujāṇ;
Āj mokshanā meh varsāviyā re,
Enī karuṇānā shīyā karu vakhāṇ... 1
Ek kalyāṇnu āj kyā rahyu re,
Swāmī maḷtā re thayā koṭi kalyāṇ;
Āj sukhnā sindhu ūlaṭyā re,
Sarve maṭī re marā mannī tāṇ... 2
Guṇātīt Swāmīnā swarūpmā re,
Sadā rahyā re Sahajānand sākshāt;
Swāmī pūraṇbrahma prakāshiyā re,
Sarve janne re devā sukh ā vār... 3
Āj ānand ogh vaḷī rahyā re,
Thaī rahyo re māre jay jaykār;
Evā Swāmī maḷye maḷyā Shrī Hari re,
Muni Akhanḍānand kahe mahimā apār... 4