કીર્તન મુક્તાવલી
આવ્યા હરિ ઊંડને તીરે ધીરે ધીરે
૧-૯૧૯: કાના ભગત
Category: ગુણાતીતાનંદ સ્વામીનાં પદો
આવ્યા હરિ ઊંડને તીરે, ધીરે ધીરે,
ગૌર શરીરે સુંદર શ્રી ઘનશ્યામ... ꠶ટેક
ચઢી રે વડ પર ધરામાંહી, કૂદી પડ્યા કિરતાર,
એ ટાણે માંડ્યું નીર ઉછળવા આઠે દિશે જય જયકાર;
પ્રભુ તેમાં માંડ્યા છે તરવા, ચારે કોરે ફરવા,
મનને હરવા, શોભે શ્રી પૂરણ કામ... આવ્યા꠶ ૧
લાલજી સુતાર જે નિષ્કુળાનંદ, તેને કહે બળવીર,
આ ટાણે લાવો નાવ બનાવી, વાર ન કરો લગીર;
સખા તેમાં માંડ્યાં છે રમવા, ચારે કોર ભમવા,
પ્રભુને ગમવા, મુખે લિયે હરિનામ... આવ્યા꠶ ૨
લાલજી કહે પ્રભુ! એક ઘડીમાં, નાવ ન બને આ વાર,
શ્રીહરિ કહે એક ચલાખો લાવો, નાવ થશે તારનાર;
ચલાખો લાવ્યા છે દેવા, વિશ્વાસી એવા,
કરે એમ સેવા, એવા એ સૌ નિષ્કામ... આવ્યા꠶ ૩
ચલાખા ઉપર પ્રભુ આપ બિરાજ્યા, અક્ષર ને મુક્ત સાથ,
એ ટાણે પ્રભુએ નાવ બનાવ્યું, જળનિધિ તરનાર;
નાવ તે તો માંડ્યું છે તરવા, ચારે કોરે ફરવા,
પાર ઊતરવા, ઠરે નહિ એકે ઠામ... આવ્યા꠶ ૪
આ મૂળજી મહારાજ જે ગુણાતીત સ્વામી, મારે રહેવાનું છે ધામ,
એવું જાણીને જે ભજશે અમને, થાશે તે પૂરણ કામ;
હું છું ધામનો ધામી, અંતરયામી,
છું બહુનામી, એવું છે મારું નામ... આવ્યા꠶ ૫
‘કનૈયો’ કહે શ્રીહરિએ આવાં, ચરિત્ર કર્યાં બહુવાર,
છપૈયા તુલ્ય ભાદરાપુરને, કીધું હરિએ આ વાર;
ભલે કોટિ વ્રત કહાવે, અડસઠ તીરથ જાવે,
તેને તુલ્ય નાવે, એવું છે સ્વામીનું ધામ... આવ્યા꠶ ૬
Āvyā Hari Ūnḍne tīre dhīre dhīre
1-919: Kana Bhagat
Category: Gunatitanand Swami
Āvyā Hari Ūnḍne tīre, dhīre dhīre,
Gaur sharīre sundar Shrī Ghanshyām...
Chaḍhī re vaḍ par dharāmāhī, kūdī paḍyā kirtār,
E tāṇe mānḍyu nīr uchhaḷvā āṭhe dishe jayjaykār;
Prabhu temā mānḍyā chhe tarvā, chāre kore farvā,
Manne harvā, shobhe Shrī Pūraṇkām..āvyā 1
Lāljī Sutār je Nishkuḷānand, tene kahe baḷvīr,
Ā tāṇe lāvo nāv banāvī, vār na karo lagīr;
Sakhā temā mānḍyā chhe ramvā, chāre kor bhamvā,
Prabhune gamvā, mukhe liye Harinām..āvyā 2
Lāljī kahe Prabhu! Ek ghaḍīmā, nāv na bane ā vār,
Shrīhari kahe ek chalākho lāvo, nāv thashe tārnār;
Chalākho lāvyā chhe devā, vishvāsī evā,
Kare em sevā, evā e sau nishkām..āvyā 3
Chalākhā upar Prabhu āp birājyā, Akshar ne mukta sāth,
E tāṇe Prabhue nāv banāvyu, jaḷnidhi tarnār;
Nāv te to mānḍyu chhe tarvā, chāre kore farvā,
Pār ūtarvā, ṭhare nahi eke ṭhām..āvyā 4
Ā Mūḷjī Mahārāj je Guṇātīt Swāmī,
māre rahevānu chhe dhām,
Evu jāṇīne je bhajshe amne, thāshe te pūraṇ kām;
Hu chhu Dhāmno Dhāmī, antaryāmī,
Chhu bahunāmī, evu chhe Maru nām..āvyā 5
‘Kanaiyo’ kahe Shrī Harie āvā, charitra karyā bahuvār,
Chhapaiyā tulya Bhādrāpurne, kīdhu Harie ā vār;
Bhale koṭi vrat kahāve, aḍsaṭh tīrath jāve,
Tene tulya nāve, evu chhe Swāmīnu Dhām..āvyā 6