કીર્તન મુક્તાવલી
આવો રે વા’લા હું તો તમારા મોળીડા પર મોઈ
આવો રે વા’લા હું તો તમારા મોળીડા પર મોઈ રે,
વા’લાજી લાગો છો વા’લા મુને રહી છું જોઈ રે... આવો꠶ ૧
લટકતી ચાલ રૂડી મીઠાં મીઠાં વેણાં રે,
રસિયાજી જોઈને ઠરે છે મારાં નેણાં રે... આવો꠶ ૨
આંખલડી રૂપાળી (વા’લા) મુને કામણિયાં કરે છે રે,
મધુરું (મધુરું) હસવું તે તો પ્રાણને હરે છે રે... આવો꠶ ૩
મંદિરે પધારો મારે શ્યામ પટ ધારી રે,
તન મન ધન લઈને પ્રેમસખી વારી રે... આવો꠶ ૪
Āvo re vā’lā hu to tamārā moḷīḍā par moī
Āvo re vā’lā hu to tamārā moḷīḍā par moī re,
Vā’lājī lāgo chho vā’lā mune rahī chhu joī re... āvo 1
Laṭkatī chāl rūḍī mīṭhā mīṭhā veṇā re,
Rasiyājī joīne ṭhare chhe mārā neṇā re... āvo 2
Ānkhalḍī rūpāḷī (vā’lā) mune kāmaṇiyā kare chhe re,
Madhuru (madhuru) hasvu te to prāṇne hare chhe re... āvo 3
Mandire padhāro māre Shyām paṭ dhārī re,
Tan man dhan laīne Premsakhī vārī re... āvo 4