કીર્તન મુક્તાવલી
મનમોહન રે સુંદર મૂરતિ તમારી
૧-૩૩૦: આચાર્ય વિહારીલાલજી મહારાજ
Category: મૂર્તિનાં પદો
મનમોહન રે, સુંદર મૂરતિ તમારી, છે જીવનદોરી હમારી;
હરખું છું રે, અંતર માંહીં ઉતારી, વાલા સ્નેહ વડે સંભારી... ꠶ટેક
શિર પાઘ પ્રીતમજી પેચાળી, છોગાની છટા રૂપાળી;
તોરે ફૂલ તણે હદ વાળી, નટવરજી રે રીઝું હૃદયમાં ધારી... છે꠶ ૧
મુખડાની રે છબી છે ચંદ્ર સમાન, કરે જોતામાં ગુલતાન;
આંખલડી રે જાણે પદમનું પાન, રંગીલી રૂપ નિધાન,
મુખહાસ્ય કરે હરિ જ્યારે, દીસે દંત દાડમ કળી ત્યારે;
મને મનમાં મોદ વધારે, ભૃકુટી રે કાજુ કામણગારી... છે꠶ ૨
રેશમનો રે રાતો જામો પહેરી, ખભે શેલું ધર્યું સોનેરી;
બની શોભા રે હારની કંઠે ઘણેરી, હરખું છું તેને હેરી,
બાંયે બાજુ જડિયેલ નંગ, હાથે હેમકડાં સોરંગ;
ઉર ઉપજે જોઈ ઉછરંગ, કટિ શેલું રે બાંધ્યું શ્યામ સમારી... છે꠶ ૩
ભરગચ્ચીનો રે સરસ ધર્યો સુરવાળ, તેમાં રેશમ નાડી રસાળ;
પદ ઝાંઝર રે ઝળકે ઝાકઝમાળ, ગતિ જોઈ લાજે મરાળ,
ઊર્ધ્વરેખા ચરણે જોઈ, દુઃખ નાખું સઘળાં ખોઈ;
દાખું ચિત્ત વિષે નિત્ય પ્રોઈ, આવો મળવા રે વેગથી વિશ્વવિહારી... છે꠶ ૪
Manmohan re sundar mūrati tamārī
1-330: Acharya Viharilalji Maharaj
Category: Murtina Pad
Manmohan re, sundar mūrti tamārī,
Chhe jīvandorī hamārī;
Harkhu chhu re, antar māhī utārī,
Vālā sneh vaḍe sambhārī...
Shir pāgh prītamjī pechāḷī,
Vhhogānī chhaṭā rūpāḷī;
Tore fūl taṇe had vāḷī, Naṭvarjī re,
Rījhu hradaymā dhārī... chhe 1
Mukhḍānī re chhabī chhe chandra samān,
Kare jotāmā gultān;
Ānkhalḍī re jāṇe padamnu pān,
Rangīlī rūp nidhān,
Mukhhāsya kare Hari jyāre,
Dīse dant dāḍam kaḷī tyāre;
Mane manmā mod vadhāre,
Bhrukuṭi re kāju kāmaṇgārī... chhe 2
Reshamno re rāto jāmo paherī,
Khabhe shelu dharyu sonerī;
Banī shobhā re hārnī kanṭhe ghaṇerī,
Harkhu chhu tene herī,
Bāye bājū jaḍiyel nang,
Hāthe hemkaḍā sorang;
Ur upje joī uchharang, kaṭi shelu re,
Bāndhyu Shyām samārī... chhe 3
Bhargachchino re saras dharyo survāḷ,
Temā resham nāḍī rasāḷ;
Pad jhānjhar re jhaḷke jhākjhamāḷ,
Gati joī lāje marāḷ,
Ūrdhvarekhā charaṇ joī,
Dukh nākhu saghḷā khoī;
Dākhu chitt vishe nitya proī,
Āvo maḷvā re vegthī Vishvavihārī... chhe 4