કીર્તન મુક્તાવલી

રૂડા શોભે રે (પદ - ૮)

૧-૧૭૭: સદ્‍ગુરુ પ્રેમાનંદ સ્વામી

Category: લીલા ચિન્તામણિ

પદ - ૮

રૂડા શોભે રે, નાહીને ઊભા હોયે;

વસ્ત્ર પહેરેલું રે, સાથળ વચ્ચે નીચોવે. ૧

પગ સાથળને રે, લુહીને સારંગપાણી;

કોરા ખેસને રે, પહેરે સારી પેઠે તાણી. ૨

ઓઢી ઉપરણી રે, રેશમી કોરની વહાલે;

આવે જમવા રે, ચાખડિયે ચઢી ચાલે. ૩

માથે ઉપરણી રે, ઓઢી બેસે જમવા;

કાન ઉઘાડા રે, રાખે મુજને ગમવા. ૪

જમતાં ડાબા રે, પગની પલાંઠી વાળી;

તે પર ડાબો રે, કર મેલે વનમાળી. ૫

જમણા પગને રે, રાખી ઊભો શ્યામ;

તે પર જમણો રે, કર મેલે સુખધામ. ૬

રૂડી રીતે રે, જમે દેવના દેવ;

વારે વારે રે, પાણી પીધાની ટેવ. ૭

જણસ સ્વાદુ રે, જણાયે જમતાં જમતાં;

પાસે હરિજન રે, બેઠા હોય મનગમતાં. ૮

તેમને આપી રે, પછી પોતે જમે;

જમતાં જીવન રે, હરિજનને મન ગમે. ૯

ફેરવે જમતાં રે, પેટ ઉપર હરિ હાથ;

ઓડકાર ખાય રે, પ્રેમાનંદના નાથ. ૧૦

Rūḍā shobhe re (pad - 8)

1-177: Sadguru Premanand Swami

Category: Leela Chintamani

Pad - 8

Rūḍā shobhe re, nāhīne ūbhā hoye;

Vastra paherelu re, sāthaḷ vachche nīchove. 1

Pag sāthaḷne re, luhīne sārangpāṇī;

Korā khesne re, pahere sārī peṭhe tāṇī. 2

Oḍhī uparṇī re, reshmī kornī vahāle;

Āve jamvā re, chākhaḍiye chaḍhī chāle. 3

Māthe uparṇī re, oḍhī bese jamvā;

Kān ughāḍā re, rākhe mujne gamvā. 4

Jamtā ḍābā re, pagnī palāṭhī vāḷī;

Te par ḍābo re, kar mele Vanmāḷī. 5

Jamṇā pagne re, rākhī ūbho Shyām;

Te par jamṇo re, kar mele Sukhdhām. 6

Rūḍī rīte re, jame devnā Dev;

Vāre vāre re, pāṇī pīdhānī ṭev. 7

Jaṇas swādu re, jaṇāye jamtā jamtā;

Pāse harijan re, beṭhā hoy mangamtā. 8

Temne āpī re, pachhī pote jame;

Jamtā Jīvan re, harijanne man game. 9

Ferve jamtā re, peṭ upar Hari hāth;

Oḍkār khāye re, Premānandnā Nāth. 10

loading