કીર્તન મુક્તાવલી
સાંભળ સજની રે (પદ - ૫)
૧-૧૭૪: સદ્ગુરુ પ્રેમાનંદ સ્વામી
Category: લીલા ચિન્તામણિ
પદ - ૫
સાંભળ સજની રે, દિવ્ય સ્વરૂપ મુરારી;
કરે ચરિત્ર રે, મનુષ્ય વિગ્રહ ધારી. ૧
થયા મનોહર રે, મોહન મનુષ્ય જેવા;
રૂપ અનુપમ રે, નિજ જનને સુખ દેવા. ૨
ક્યારેક ઢોલિયે રે, બેસે શ્રી ઘનશ્યામ;
ક્યારેક બેસે રે, ચાકળે પૂરણકામ. ૩
ક્યારેક ગોદડું રે, ઓછાડે સહિત;
પાથર્યું હોય રે, તે પર બેસે પ્રીતે. ૪
ક્યારેક ઢોલિયા રે, ઉપર તકિયો ભાળી;
તે પર બેસે રે, શ્યામ પલાંઠી વાળી. ૫
ઘણુંક બેસે રે, તકિયે ઓઠીંગણ દઈને;
ક્યારેક ગોઠણ રે, બાંધે ખેસ લઈને. ૬
ક્યારેક રાજી રે, થાય અતિશે આલી;
સંત હરિજનને રે, ભેટે બાથમાં ઘાલી. ૭
ક્યારેક માથે રે, લઈ મેલે બે હાથ;
છાતી માંહે રે, ચરણકમળ દે નાથ. ૮
ક્યારેક આપે રે, હાર તોરા ગિરધારી;
ક્યારેક આપે રે, અંગનાં વસ્ત્ર ઉતારી. ૯
ક્યારેક આપે રે, પ્રસાદીના થાળ;
પ્રેમાનંદ કહે રે, ભક્તતણા પ્રતિપાળ. ૧૦
Sāmbhaḷ sajnī re (pad - 5)
1-174: Sadguru Premanand Swami
Category: Leela Chintamani
Pad - 5
Sāmbhaḷ sajnī re, divya swarūp Murārī;
Kare charitra re, manushya vigrah dhārī. 1
Thayā manohar re, Mohan manushya jevā;
Rūp anupam re, nij janne sukh devā. 2
Kyārek ḍholiye re, bese Shrī Ghanshyām;
Kyārek bese re, chākḷe pūraṇkām. 3
Kyārek godaḍu re, ochhāḍe sahit;
Pātharyu hoye re, te par bese prīte. 4
Kyārek ḍholiyā re, upar takiyo bhāḷī;
Te par bese re, Shyām palāṭhī vāḷī. 5
Ghaṇuk bese re, takiye oṭhīngaṇ daīne;
Kyārek goṭhaṇ re, bāndhe khes laīne. 6
Kyārek rājī re, thāy atishe ālī;
Sant harijanne re, bheṭe bāthmā ghālī. 7
Kyārek māthe re, laī mele be hāth;
Chhātī māhe re, charaṇkamaḷ de Nāth. 8
Kyārek āpe re, hār torā Girdhārī;
Kyārek āpe re, angnā vastra utārī. 9
Kyārek āpe re, prasādīnā thāḷ;
Premānand kahe re, bhaktataṇā pratipāḷ. 10
