કીર્તન મુક્તાવલી
જે સ્વામિનારાયણ નામ લેશે
૧-૧૫૬: અજાણ્ય
Category: નિત્યવિધિ - નામ મહિમા
શ્રી સ્વામિનારાયણ નામનો મહિમા
જે સ્વામિનારાયણ નામ લેશે, તેનાં બધાં પાતક બાળી દેશે;
છે નામ મારાં શ્રુતિમાં અનેક, સર્વોપરી આ જ ગણાય એક꠶ ૧
જો સ્વામિનારાયણ એક વાર, રટે બીજાં નામ રટ્યાં હજાર;
જપ્યા થકી જે ફળ થાય તેનું, કરી શકે વર્ણન કોણ એનું꠶ ૨
ષડક્ષરી મંત્ર મહાસમર્થ, જેથી થશે સિદ્ધ સમસ્ત અર્થ;
સુખી કરે સંકટ સર્વ કાપે, અંતે વળી અક્ષરધામ આપે꠶ ૩
ગાયત્રીથી લક્ષ ગણો વિશેષ, જાણે જ જેનો મહિમા મહેશ;
જ્યાં જ્યાં મહા મુક્તજનો વસાય, આ કાળમાં તો જપ એ જ થાય꠶ ૪
જો અંતકાળે શ્રવણે સુણાય, પાપી ઘણો તે પણ મોક્ષ જાય;
તે મંત્રથી ભૂત પિશાચ ભાગે, તે મંત્રથી તો સદબુદ્ધિ જાગે꠶ ૫
તે મંત્ર જેના મુખથી જપાય, તેના થકી તો જમ નાસી જાય;
શ્રી સ્વામિનારાયણ જે કહેશે, ભાવે કુભાવે પણ મુક્તિ લેશે꠶ ૬
ષડક્ષરો છે ષટ શાસ્ત્રસાર, તે તો ઉતારે ભવસિંધુ પાર;
છયે ૠતુમાં દિવસે નિશાયે, સર્વે ક્રિયામાં સમરો સદાયે꠶ ૭
પવિત્ર દેહે અપવિત્ર દેહે, આ નામ નિત્યે સ્મરવું સનેહે;
જળે કરીને તનમેલ જાય, આ નામથી અંતર શુદ્ધ થાય꠶ ૮
જેણે મહાપાપ કર્યાં અનંત, જેને પીડ્યા બ્રહ્મણ ધેનું સંત;
તે સ્વામિનારાયણ નામ લેતાં, લાજી મરે છે મુખથી કહેતાં꠶ ૯
શ્રી સ્વામિનારાયણ નામ સાર, છે પાપને તે પ્રજળાવનાર;
પાપી ઘણું અંતર હોય જેનું, બળ્યા વિના કેમ રહે જ તેનું꠶ ૧૦
(શ્રી હરિલીલામૃત ૫/૩/૪૫ થી ૫૪)
Je Swāminārāyaṇ nām leshe
1-156: unknown
Category: Nityavidhi - Nam Mahima
SHRĪ SWĀMINĀRĀYAṆ NĀMNO MAHIMĀ
Je Swāminārāyaṇ nām leshe, tenā badhā pātak bāḷī deshe;
Chhe nām mārā shrutimā anek, sarvoparī ā ja ganāy ek. 1
Jo Swāminārāyaṇ ek vār, rate bijā nām ratyā hajār;
Japyā thakī je faḷ thāy tenu, karī shake varṇan koṇ enu. 2
Shāḍaksharī mantra mahāsamarth, jethī thashe siddha samast arth;
Sukhī kare sankat sarva kāpe, ante vaḷī Akshardhām āpe. 3
Gāyatrīthī laksh gano vishesh, jāṇe ja jeno mahimā Mahesh;
Jyā jyā mahā muktajano vasāy, ā kāḷmā to jap e ja thāy. 4
Jo antkāḷe shravaṇe suṇāy, pāpī ghaṇo te paṇ moksha jāy;
Te mantrathī bhūt pishāch bhāge, te mantrathī to sadbuddhi jāge. 5
Te mantra jenā mukhthī japāy, tenā thakī to jam nāsi jāy;
Shrī Swāminārāyaṇ je kaheshe, bhāve kubhāve paṇ mukti leshe. 6
Shaḍaksharo chhe shaṭ shāstrasār, te to utāre bhavsindhu pār;
Chhaye rutumā divase nishāye, sarve kriyāmā samaro sadāye. 7
Pavitra dehe apavitra dehe, ā nām nitye smaravu sanehe;
Jaḷe karīne tanmel jāy, ā nāmthī antar shuddh thāy. 8
Jeṇe mahāpāp karyā anant, jeṇe pīdyā Brāhmaṇ dhenu sant;
Te Swāminārāyaṇ nām letā, lājī mare chhe mukhthī kahetā. 9
Shrī Swāminārāyaṇ nām sār, chhe pāpne te prajaḷāvnār;
Pāpī ghaṇu antar hoy jenu, baḷyā viṇā kem rahe ja tenu.10
(Shrī Harilīlāmarut 5/3/45-54)