કીર્તન મુક્તાવલી
સુણો સાધુ શુકજી સરખા રે નારદ જેવા નેક
૧-૧૦૪૯: સદ્ગુરુ નિષ્કુળાનંદ સ્વામી
Category: ચોસઠપદી
પદ - ૧૮
સુણો સાધુ શુકજી સરખા રે, નારદ જેવા નેક;
નથી ઉપમાં માનો મૂરખા રે, ઉર કરો વિવેક... ૧
જડભરત જેવા જાણીએ રે, સનકાદિક સમાન;
કદરજ જેવા વખાણીએ રે, ખરા ક્ષમાવાન... ૨
એવી સાધુતાને આશરી રે, જ્યારે લીધો જોગ;
ત્યારે પ્રીત સહુશું પરહરી રે, ભૂલવા ભવ ભોગ... ૩
એની રીત્યે રીત્ય આપણી રે, બીજી રીત્યે બાધ;
પરહરો પરી પાપણી રે, વળગી એ વરાધ... ૪
ફોગટ પડતાં બીજા ફંદમા રે, આવે દુઃખ અત્યંત;
નિષ્કુળાનંદ આનંદમાં રે, સદા રહોને સંત... ૫
Suṇo sādhu Shukjī sarkhā re Nārad jevā nek
1-1049: Sadguru Nishkulanand Swami
Category: Chosath Padi
Pad 18
Suṇo sādhu Shukjī sarkhā re, Nārad jevā nek;
Nathī upma māno mūrkhā re, ur karo vivek... 1
Jaḍbharat jevā jāṇīe re, Sanakādik samān;
Kadraj jevā vakhāṇīe re, kharā kshmāvān... 2
Evī sādhutāne āshrī re, jyāre līdho jog;
Tyāre prīt sahushu parharī re, bhulvā bhav bhog... 3
Enī rītye rītya āpṇī re bījī rītye bādh;
Parharo parī pāpṇī re, vaḷgī e varādh... 4
Fogaṭ paḍtā bījā fandmā re, āve dukh atyant;
Nishkuḷānand ānandmā re, sadā rahone sant... 5
