કીર્તન મુક્તાવલી
આજે ઉમંગ મારા અંતરની આરતીથી
૧-૧૦૦૧: સાધુ યોગેન્દ્રદાસ
Category: પ્રમુખસ્વામી મહારાજનાં પદો
આજે ઉમંગ મારા અંતરની આરતીથી,
પ્રમુખસ્વામીને વધાવું;
નાચું મગન મારા મનના માણીગરના,
ગુણોનાં ગીતડાં બનાવું... ꠶ટેક
આંખો ઊઠે કે પામું શ્રીજીની અમીદૃષ્ટિ,
સ્પર્શે આતમદીપ ચેતે;
કોટિ કોટિકવાર ઓવારું પ્રાણ જ્યારે,
મલકીને બોલાવે હેતે;
આજે ઉમંગ એ જ શ્રીજીને પામીને,
જીવન કૃતારથ કહાવું... ꠶ ૧
એવા અગાધ આજ સુખ સુખના સાગરથી,
અમૃતની વાદળી લહેરી;
જુગજુગના ઓરતાની ચુંદડી બની એને,
શ્યામ રંગ રંગાવી પહેરી;
આજે ઉમંગ હું તો શ્રીજીની વેણું થઈ,
સ્વામી-યશ મહિમા વહાવું... ꠶ ૨
Āje umang mārā antarnī ārtīthī
1-1001: Sadhu Yogendradas
Category: Pramukh Swami Maharajna Pad
Āje umang mārā antarnī ārtīthī,
Pramukh Swāmīne vadhāvu;
Nāchu magan mārā mannā māṇīgarnā,
Guṇonā gītḍā banāvu...
Ānkho ūṭhe ke pāmu Shrījīnī amīdrashṭi,
Sparshe ātamdīp chete;
Koṭi koṭikvār ovāru prāṇ jyāre,
Malkīne bolāve hete;
Āje umang ej Shrījīne pāmīne,
Jīvan krutārath kahāvu... 1
Evā agādh āj sukh sukhnā sāgarthī,
Amrutnī vādḷī laherī;
Jug jugnā ortānī chundaḍī banī ene,
Shyām rang rangāvī paherī;
Āj umang hu to Shrījīnī veṇu thaī,
Swāmī-yash māhimā vahāvu... 2