કીર્તન મુક્તાવલી
મુને પ્રગટ મળ્યા મુને પ્રગટ મળ્યા
૨-૯૦૩૭: સદ્ગુરુ દેવાનંદ સ્વામી
Category: મૂર્તિનાં પદો
મુને પ્રગટ મળ્યા મુને પ્રગટ મળ્યા,
ઘર બેઠા ઘનશ્યામ પધાર્યા પ્રેમથી;
તન તાપ ટળ્યા તન તાપ ટળ્યા,
નટનાગર સુખ દીધું નૌતમ નેમથી... મુને
જેને નિગમ વદે નેતિ વાણી,
પરમેશ્વર ઓળખે નહિ પ્રાણી,
આજ અમ ઉપર કરુણા આણી... મુને
જીવ મળવા કોટિ જતન કરે,
તપ તીરથ વ્રત વનમાંહિ ફરે,
એવા અવનિ પર અવતાર ધરે... મુને
ગુણ સારા ઓળખ્યા ગિરધારી,
બહુનામી પર હું બલિહારી,
આજ ભાગ્ય મારું થયું અતિ ભારી... મુને
મેં તો ચરણકમળમાં ચિત્ત જોડ્યું,
સંસાર થકી સગપણ તોડ્યું,
દેવાનંદ કહે મૂર્તિમાં મન ઓળ્યું... મુને
Mune pragaṭ maḷyā mune pragaṭ maḷyā
2-9037: Sadguru Devanand Swami
Category: Murtina Pad
Mune pragaṭ maḷyā mune pragaṭ maḷyā,
Ghar beṭhā Ghanshyām padhāryā premthī;
Tan tāp ṭaḷyā tan tāp ṭaḷyā,
Naṭnāgar sukh dīdhu nautam nemthī... Mune
Jene nigam vade neti vāṇī,
Parmeshvar oḷakhe nahi prāṇī,
Āj am upar karuṇā āṇī... Mune
Jīv maḷavā koṭi jatan kare,
Tap tīrath vrat vanmāhi fare,
Evā avani par avatār dhare... Mune
Guṇ sārā oḷakhyā Girdhārī,
Bahunāmī par hu balihārī,
Āj bhāgya māru thayu ati bhārī... Mune
Me to charaṇ-kamaḷmā chitta joḍyu,
Sansār thakī sagpaṇ toḍyu,
Devānand kahe mūrtimā man oḷyu... Mune