કીર્તન મુક્તાવલી
અલબેલા આવો રે આજ મારે આંગણે જો
૨-૩: સદ્ગુરુ પ્રેમાનંદ સ્વામી
Category: શ્રીહરિનાં પદો
અલબેલા આવો રે આજ મારે આંગણે જો
પૂરો મારા હૈડા કેરી હામ જો
હળવા તે ભરજો રે પગલાં હેતમાં જો
આવો મારા વહાલા પૂરણકામ જો... ꠶ટેક
શેરી વાળીને મેં તો સજ કરી જો
ફૂલડાં વેર્યાં છે ઊભી વાટ જો
કેસરને કુમકુમનાં છાંટ્યાં છાંટણાં જો
મારો વહાલોજી પધારે તે માટ જો... ૧
અગર ને ચંદને લીપ્યા ઓરડા જો
મોતીડે કંઈ પૂર્યા છે ચોક જો
મોંઘે તે મળિયાગરે લીપ્યા લાડમાં જો
વ્હાલા તમને પધરાવ્યાના ગોખ જો... ૨
ફૂલડે (તે) સમારી વહાલા સેજડી જો
મેવા ને મીઠાઈના નહીં પાર જો
પ્રેમાનંદના સ્વામી જોવું વાટડી જો
આવો મારા હૈડા કેરા હાર જો... ૩
Albelā āvo re āj māre āngaṇe jo
2-3: Sadguru Premanand Swami
Category: Shri Harina Pad
Albelā āvo re āj māre āngaṇe jo,
Pūro mārā haiḍā kerī hām jo
Haḷvā te bharjo re paglā hetmā jo,
Āvo mārā vahālā Pūraṇkām jo...
Sherī vāḷīne me to saj karī jo,
Fūlḍā veryā chhe ūbhī vāṭ jo
Kesar ne kumkum nā chhānṭyā chhānṭṇā jo,
Māro vahālojī padhāre te māṭ jo... 1
Agar ne chandane līpyā orḍā jo,
Motīḍe kaī pūryā chhe chok jo
Monghe te maḷīyāgare līpyā lāḍmā jo,
Vhālā tamne padhrāvyānā ghokh jo... 2
Fūlḍe (te) samārī vahālā sejḍī jo,
Mevā ne mithāīnā nahi pār jo
Premānandnā Swāmī jovu vāṭḍī jo
Āvo mārā haiḍā kerā hār jo... 3