કીર્તન મુક્તાવલી
છબીલા વા’લા છોડો દેવાધિદેવ દોરડો
૨-૨૧૯: સદ્ગુરુ નિષ્કુળાનંદ સ્વામી
Category: આવી અક્ષરવરની જાન
(છેડાછેડી છોડવાનું ગીત)
છબીલા વા’લા છોડો દેવાધિદેવ દોરડો, દીસે દોરડિયે દસ ગાંઠ રે... ꠶ ૧
ગાંઠ અનેક જનમની આવરી, તેને લાગશે લગારેક વાર રે... ꠶ ૨
કળે કળે કરીને છોડજ્યો, નહિ તો તૂટી જશે નિરધાર રે... ꠶ ૩
અહં દેહ અભિમાન દોરડો, મહા વિકટ છે વિપરીત રે... ꠶ ૪
તમે તોડવાને તો તૈયાર છો, કાંઈ રાખજ્યો છોડવાની રીત રે... ꠶ ૫
વા’લા આકળે અરથ સરે નહિ, ધરી ધીરજ કરો વિચાર રે... ꠶ ૬
વા’લા ગાંઠ છોડ્યે તમે છૂટશો, આંટી કાઢી જોડશે આણી વાર રે... ꠶ ૭
તે તો તમારે હાથ હરિ છૂટશે, એમાં નથી અમારો કાંઈ દોષ રે... ꠶૮
દયા કરીને છોડજ્યો દોરડો, રખે રાંક જાણી કરો રોષ રે... ꠶ ૯
તમે અનેક જુગતિ આદરી, વિધ્યે વિધ્યે કરો છો વિચાર રે... ꠶ ૧૦
સ્વામી નિષ્કુળાનંદના સમર્થ છો, જો છોડો તો સઈ છે વાર રે... ꠶ ૧૧
Chhabīlā vā’lā chhoḍo Devādhidev dorḍo
2-219: Sadguru Nishkulanand Swami
Category: Avi Aksharvarni Jan
(Chheḍāchheḍī chhoḍvānu gīt)
Chhabīlā vā’lā chhoḍo Devādhidev dorḍo, dīse doraḍiye das gāṭh re... ° 1
Gāṭh anek janamnī āvarī, tene lāgashe lagārek vār re... ° 2
Kaḷe kaḷe karīne chhoḍjyo, nahi to tūṭī jashe niradhār re... ° 3
Aham deh abhimān dorḍo, mahā vikaṭ chhe viparīt re... ° 4
Tame toḍvāne to taiyār chho, kāī rākhjyo chhoḍvānī rīt re... ° 5
Vā’lā ākaḷe arath sare nahi, dharī dhīraj karo vichār re... ° 6
Vā’lā gāṭh chhoḍye tame chhūṭsho, ānṭī kāḍhī jodshe āṇī vār re... ° 7
Te to tamāre hāth Hari chhūṭshe, emā nathī amāro kāī doṣh re... °8
Dayā karīne chhoḍjyo dorḍo, rakhe rānk jāṇī karo roṣh re... ° 9
Tame anek jugti ādarī, vidhye vidhye karo chho vichār re... ° 10
Swāmī Niṣhkuḷānandnā samarth chho, jo chhoḍo to saī chhe vār re... ° 11
