કીર્તન મુક્તાવલી
વાણીમાં વાંસળી વાગી યોગી તારી
૧-૯૬૦: અજાણ્ય
Category: યોગીજી મહારાજનાં પદો
વાણીમાં વાંસળી વાગી,
યોગી તારી વાણીમાં વાંસળી વાગી... ꠶ટેક
ગામડે વાગી ઝૂંપડે વાગી,
મહેલ મ્હોલાતોમાં વાગી;
ધરતી પર્વત ને સાગરની આરપાર,
આફ્રિકા ખંડમાં પહોંચી... યોગી꠶ ૧
રાંકથી માંડી ઓલ્યા રાજવી ને શેઠિયા,
સૌને સરખી લાગી;
મરાઠા પારસી પરદેશી આવ્યા,
ને મુસલમાનોએ દુવા માગી... યોગી꠶ ૨
તારી વાણીમાં બાપા વ્હાલાની વાંસળી,
ગોંડલ વનરાવનમાં ગુંજી;
ભક્તજનો સૌ બન્યા નરસૈયા તારા,
ચરણોમાં લગની લાગી... યોગી꠶ ૩
રાંકના રહેણાકમાં ઊંચા ઉદ્યાનમાં,
કંઈકના કાનમાં વાગી;
મોરલીની મીઠપ માણી ‘વિજય’ કહે,
આવ્યા છે છળ કપટ ત્યાગી... યોગી꠶ ૪
Vāṇīmā vānsaḷī vāgī Yogī tārī
1-960: unknown
Category: Yogiji Maharajna Pad
Vāṇīmā vānsaḷī vāgī,
Yogī tārī vāṇīmā vānsaḷī vāgī...
Gāmḍe vāgī jhupḍe vāgī,
Mahel mholātomā vāgī;
Dhartī parvat ne sāgarnī ārpār,
Āfricā khanḍmā pahochī... Yogī 1
Rānkthī mānḍī olyā rājvī ne shethiyā,
Saune sarkhī lāgī;
Marāṭhā Pārsī pardeshī āvyā,
Ne Musalmānoe duvā magī... Yogī 2
Tārī vāṇīmā Bāpā vhālānī vānsaḷī,
Gonḍal vanrāvanmā gunjī;
Bhaktajano sau banyā Narsaiyā tārā,
Charaṇomā lagnī lāgī... Yogī 3
Rānknā raheṇākmā ūnchā udhyānmā,
Kaīknā kānmā vāgī;
Morlīnī mīthap maṇī ‘Vijay’ kahe,
Āvyā chhe chhaḷ kapaṭ tyāgī... Yogī 4
