કીર્તન મુક્તાવલી

બોલ્યા શ્રી હરિ રે સાંભળો નરનારી હરિજન

૧-૨૭૨: સદ્‍ગુરુ પ્રેમાનંદ સ્વામી

Category: મૂર્તિનાં પદો

પદ - ૩

બોલ્યા શ્રી હરિ રે, સાંભળો નરનારી હરિજન;

મારે એક વાર્તા રે, સહુને સંભળાવ્યાનું છે મન... ૧

મારી મૂરતિ રે, મારા લોક ભોગ ને મુક્ત;

સર્વે દિવ્ય છે રે, ત્યાં તો જોયાની છે જુક્ત... ૨

મારું ધામ છે રે, અક્ષર અમૃત જેનું નામ;

સર્વે સામ્રથી રે, શક્તિ ગુણે કરી અભિરામ... ૩

અતિ તેજોમય રે, રવિ શશી કોટિક વારણે જાય;

શીતળ શાંત છે રે, તેજની ઉપમા નવ દેવાય... ૪

તેમાં હું રહું રે, દ્વિભુજ દિવ્ય સદા સાકાર;

દુર્લભ દેવને રે, મારો કોઈ ન પામે પાર... ૫

જીવ ઈશ્વર તણો રે, માયા કાળ પુરુષ પ્રધાન;

સહુને વશ કરું રે, સહુનો પ્રેરક હું ભગવાન... ૬

અગણિત વિશ્વની રે, ઉત્પત્તિ પાલન પ્રલય થાય;

મારી મરજી વિના રે, કોઈથી તરણું નવ તોડાય... ૭

એમ મને જાણજો રે, મારાં આશ્રિત સૌ નરનારી;

મેં તમ આગળે રે, વાર્તા સત્ય કહી છે મારી... ૮

હું તો તમ કારણ રે, આવ્યો ધામ થકી ધરી દેહ;

પ્રેમાનંદનો રે, વા’લો વરસ્યા અમૃત મેહ... ૯

Bolyā Shrī Hari re sāmbhaḷo narnārī harijan

1-272: Sadguru Premanand Swami

Category: Murtina Pad

Pad - 3

Bolyā Shrī Hari re, sāmbhaḷo narnārī harijan;

Māre ek vārtā re, sahune sambhlāvyānu chhe man..1

Mārī mūrti re, mārā lok, bhog ne mukta;

Sarve divya chhe re, tyā to joyānī chhe jukt..2

Māru Dhām chhe re, Akshar Amrut jenu nām;

Sarve sāmrathī re, shakti guṇe karī abhirām..3

Ati tejomay re, ravi shashī koṭik vārṇe jāy;

Shītaḷ shānt chhe re, tejnī upmā nav devāy..4

Temā hu rahu re, dvibhuj divya sadā sākār;

Durlabh devne re, Māro koī na pāme pār..5

Jīva Īshwar taṇo re, māyā kāḷ purush pradhān;

Sahune vash karu re, sahuno prerak hu Bhagwān..6

Agaṇit vishvanī re, utpatti pālan pralay thāy;

Mārī marjī vinā re, koīthī tarṇu nav toḍāy..7

Em mane jāṇjo re, mārā āshrīt sāu narnārī;

Me tam āgaḷe re, vārtā satya kahī chhe Mārī..8

Hu to tam kāraṇe re, āvyo Dhām thakī dharī deh;

Premānandno re, vā’lo varasyā amrut meh..9

loading