કીર્તન મુક્તાવલી

મોહનજીની રે (પદ - ૪)

૧-૧૭૩: સદ્‍ગુરુ પ્રેમાનંદ સ્વામી

Category: લીલા ચિન્તામણિ

પદ - ૪

મોહનજીની રે, લીલા અતિ સુખકારી;

આનંદ આપે રે, સુણતાં ન્યારી ન્યારી. ૧

ક્યારેક વાતો રે, કરે મુનિવર સાથે;

ગુચ્છ ગુલાબના રે, ચોળે છે બે હાથે. ૨

શીતળ જાણી રે, લીંબુ હાર ગુલાબી;

તેને રાખે રે, આંખ્યો ઉપર દાબી. ૩

ક્યારેક પોતે રે, રાજીપામાં હોયે;

વાતો કરે રે, કથા વંચાવે તોયે. ૪

સાંભળે કીર્તન રે, પોતે કાંઈક વિચારે;

પૂછવા આવે રે, જમવાનું કોઈ ત્યારે. ૫

હાર ચઢાવે રે, પૂજા કરવા આવે;

તેના ઉપર રે, બહુ ખીજી રીસાવે. ૬

કથા સાંભળતાં રે, હરે હરે કહી બોલે;

મર્મ કથાનો રે, સુણી મગન થઈ ડોલે. ૭

ભાન કથામાં રે, બીજી ક્રિયા માંયે;

ક્યારેક અચાનક રે, જમતાં હરે બોલાયે. ૮

થાય સ્મૃતિ રે, પોતાને જ્યારે તેની;

થોડુંક હસે રે, ભક્ત સામું જોઈ બેની. ૯

એમ હરિ નિત નિત રે, આનંદ રસ વરસાવે;

એ લીલા રસ રે, જોઈ પ્રેમાનંદ ગાવે. ૧૦

Mohanjīnī re (pad - 4)

1-173: Sadguru Premanand Swami

Category: Leela Chintamani

Pad - 4

Mohanjīnī re, līlā ati sukhkārī;

Ānand āpe re, suṇtā nyārī nyārī. 1

Kyārek vāto re, kare munivar sāthe;

Guchchh gulābnā re, choḷe chhe be hāthe. 2

Shitaḷ jāṇī re, limbu hār gulābī;

Tene rākhe re, ānkhyo upar dābī. 3

Kyārek pote re, rājīpāmā hoye;

Vāto kare re, kathā vanchāve toye. 4

Sāmbhaḷe kīrtan re, pote kāīk vichāre;

Pūchhvā āve re, jamvānu koī tyāre. 5

Hār chaḍhāve re, pūjā karvā āve;

Tenā upar re, bahu khījī rīsāve. 6

Kathā sāmbhaḷtā re, hare hare kahī bole;

Marma kathāno re, suṇī magan thaī ḍole. 7

Bhān kathāmā re, bījī kriyā māye;

Kyārek achānak re, jamtā hare bolāye. 8

Thāye smruti re, potāne jyāre tenī;

Thoḍuk hase re, bhakta sāmu joī benī. 9

Em Hari nit nit re, ānand ras varsāve;

E līlā ras re, joī Premānand gāve. 10

loading