કીર્તન મુક્તાવલી
વે’લેરી ઊઠીને વા’લાજીનું વદન નિહારું
૧-૧૦૯: સદ્ગુરુ પ્રેમાનંદ સ્વામી
Category: પ્રભાતિયાં
પદ - ૧
વે’લેરી ઊઠીને વા’લાજીનું વદન નિહારું,
જોઈને કમળમુખ દુઃખ દૂર વિસારું રે ꠶ટેક
વદન વા’લાજીનું અતિ સુખકારી,
નીરખી નીરખી જાઉં હું તો સરવસ્વ વારી રે꠶ ૧
મુખડું જોયા વિના પાણીયે ન પીવું,
પ્રાણજીવનને હું તો જોઈ જોઈ જીવું રે꠶ ૨
પ્રાણજીવન જોવા મેં તો જનમ ધર્યો છે,
જૂઠો રે સંસારિયો સર્વે ત્યાગ કર્યો છે રે꠶ ૩
પ્રેમાનંદના સ્વામીને કાજે મેલ્યાં છે,
સંસારિયાં સઉ બળતામેં દાઝે રે꠶ ૪
Ve’lerī ūṭhīne vā’lājīnu vadan nihāru
1-109: Sadguru Premanand Swami
Category: Prabhatiya
Pad - 1
Ve’lerī ūṭhīne vā’lājīnu vadan nihāru,
Joine kamaḷmukh dukh ḍūr visāru re...
Vadan vā’lājīnu ati sukhkārī,
Nīrakhī nīrakhī jāu hu to sarvasva vārī re. 1
Mukhḍu joyā vinā pāṇīye na pīvu,
Prāṇjīvanne hu to joī joī jīvu re. 2
Prāṇjīvan jovā me to janam dharyo chhe,
Jūṭho re sansāriyo sarve tyāg karyo chhe re. 3
Premānandnā Swāmīne kāje melyā chhe,
Sansāriyā sau baḷtāme dājhe re. 4