કીર્તન મુક્તાવલી
શુકજીએ નથી સંઘર્યું રે ધાતુ વળી ધન
૧-૧૦૫૦: સદ્ગુરુ નિષ્કુળાનંદ સ્વામી
Category: ચોસઠપદી
પદ - ૧૯
શુકજીએ નથી સંઘર્યું રે, ધાતુ વળી ધન;
નાણું નારદે ભેળું ન કર્યું રે, કહે છે કોયે દન... ૧
જડભરતે ન જોડાવિયું રે, ગાડું ગાડી વેલ;
કદરજનું વ્યાસે કા’વિયું રે, ખરી ક્ષમાનો ખેલ... ૨
સનકાદિકે સુખ કારણે રે, ઘોડું ન રાખ્યું ઘેર;
આ તો બાંધ્યાં બીજાને બારણે રે, કરવા કાળો કેર... ૩
મેલી ઊભી અસલ રીતને રે, નકલ લીધી નેક;
તે તો ચોંટી ગઈ ચિત્તને રે, છોડી ન છૂટે છેક... ૪
કોઈ કહે એની કોરનું રે, તે શું બંધાયે વેર;
કહે નિષ્કુળાનંદ નોરનું રે, મું પર રાખજો મે’ર... ૫
Shukjie nathī sangharyu re dhātu vaḷī dhan
1-1050: Sadguru Nishkulanand Swami
Category: Chosath Padi
Pad 19
Shukjie nathī sangharyu re, dhātu vaḷī dhan;
Nāṇu Nāraḍe bheḷu na karyu re, kahe chhe koye dan... 1
Jaḍbharte na joḍāviyu re, gāḍu gāḍī vel;
Kadrajnu Vyāse kā’viyu re, kharī kshamāno khel... 2
Sanakādike sukh kārṇe re, ghoḍu na rākhyu gher;
Ā to bāndhyā bījāne bārṇe re, karvā kāḷo ker... 3
Melī ūbhī asal rītne re, nakal līdhī nek;
Te to chontī gaī chittne re, chhoḍī na chhuṭe chhek... 4
Koī kahe enī kornu re, te shu bandhāye ver;
Kahe Nishkuḷānand nornu re, mu par rākhjo me’r... 5
