કીર્તન મુક્તાવલી
જેના અંતરમાં કામ ક્રોધ લોભની લાહ્ય બળે
૧-૧૦૩૬: સદ્ગુરુ નિષ્કુળાનંદ સ્વામી
Category: ચોસઠપદી
(અસંતનાં લક્ષણ)
પદ - ૫
જેના અંતરમાં કામ ક્રોધ, લોભની લાહ્ય બળે;
એવા બહુ કરતા હોય બોધ, તે સાંભળ્યે શું વળે... ૧
માન મમતા મત્સર મોહ, ઈરષા અતિ ઘણી;
એવો અધર્મ સર્ગ સમોહ, ધારી રહ્યા જે ધણી... ૨
તેને સેવતાં શું ફળ થાય, પૂજીને શું પામીએ;
જે જમાડીએ તે પણ જાય, ખાધું જે હરામીએ... ૩
એનાં દર્શન તે દુઃખદેણ, ન થાય તો ન કીજીએ;
સુણી નિષ્કુળાનંદનાં વેણ, સહુ માની લીજીએ... ૪
Jenā antarmā kām krodh lobhnī lāhya baḷe
1-1036: Sadguru Nishkulanand Swami
Category: Chosath Padi
(Asantnā Lakṣhaṇ)
Pad 5
Jenā antarmā kām krodh, lobhnī lāhya baḷe;
Evā bahu kartā hoy bodh, te sāmbhaḷye shu vaḷe... 1
Man matsar mamtā moh, īrshā ati ghaṇī;
Evo adharma sarg samoh, dhārī rahyā je dhaṇī... 2
Tene sevtā shu faḷ thāy, pūjīne shu pāmīe;
Je jamāḍīe te paṇ jāy, khādhu je harāmīe... 3
Enā darshan te dukhdeṇ, na thāy to na kījīe;
Suṇī Nishkuḷānandnā veṇ, sahu manī lījīe... 4
