કીર્તન મુક્તાવલી
સૌના રે પ્રાણ પ્રમુખસ્વામી મહારાજ
૧-૧૦૨૭: સાધુ અક્ષરજીવનદાસ
Category: પ્રમુખસ્વામી મહારાજનાં પદો
સૌના રે પ્રાણ પ્રમુખસ્વામી મહારાજ,
તમે આવો, પધારો અમ મંદિરીએ આજ... ꠶ટેક
અમે હરણાંની દોટ તમે વાંસળી મધુર,
અમે તારલા ટચૂક તમે તેજે ભરપૂર;
અમ આંખોની કીકી પર હીંચો હે રાજ... તમે꠶ ૧
અમે ઝરણાનું ગીત તમે સાગર સંગીત,
અમે પંખીની પ્રીત તમે આભ છો અમિત;
અમ પાંખોમાં અમૃતને સીંચો હે રાજ... તમે꠶ ૨
અમે ઝાકળનાં બુંદ તમે અમરતની ધાર,
અમે તરણાની કુંજ તમે પરિમલ ભંડાર;
અમ પુષ્પોમાં સૌરભને મૂકો હે રાજ... તમે꠶ ૩
અમે જંગલનો દાગ, તમે મધુવન વસંત,
અમે દુનિયાનો રાગ, તમે શ્રીજીમય સંત;
અમ અંતરના તિમિરને હરજો હે રાજ... તમે꠶ ૪
અમે ભટકંતા જીવ ભવસાગરની વાટ,
તમે નાવિક ઉતારજો ‘અક્ષર’ને ઘાટ;
અમ આતમને બ્રહ્મરૂપ કરજો હે રાજ... તમે꠶ ૫
Saunā re prāṇ Pramukh Swāmī Mahārāj
1-1027: Sadhu Aksharjivandas
Category: Pramukh Swami Maharajna Pad
Saunā re prāṇ Pramukh Swāmī Mahārāj,
Tame āvo, padhāro am mandirie āj...
Ame harṇānī doṭ tame vānsaḷī madhur,
Ame tārlā ṭachuk tame teje bharpūr;
Am ānkhonī kīkī par hīcho he rāj... tame 1
Ame jharnānu gīt tame sāgar sangīt,
Ame pankhīnī prīt tame ābh chho amit;
Am pānkhomā amrutne sīncho he rāj... tame 2
Ame jhākaḷnā bund tame amratnī dhār,
Ame tarṇānī kunj tame parimal bhanḍār;
Am pushpomā saurbhne mūko he rāj... tame 3
Ame jangalno dāg, tame madhuvan vasant,
Ame duniyāno rāg, tame Shrījīmay sant;
Am antarnā timirne harjo he rāj... tame 4
Ame bhaṭkantā jīva bhavsāgarnī vāṭ,
Tame nāvik utārjo ‘Akshar’ne ghāṭ;
Am ātamne brahmarūp karjo he rāj... tame 5