સ્નેહગીતા
પદ ૫
રાગ: આશાવરી
પ્રાણ મ રે’જો પ્રીતમ વિના,
વળી પિયુ વિયોગે પે’લા જાજો રે ।
મગન થઈને હું માગુ છું મનમાં,
એવું બાઈ મારે થાજો રે... પ્રાણ꠶ ॥૧॥
સખી રે મણિ નિગમતાં1 મણિધર જીવે,
તેને તે સુખ સખી કિયું રે ।
ધન હારી2 નિર્ધન નર રે’તાં રે,
તેને સુખ રતી ક્યાં રહ્યું રે... પ્રાણ꠶ ॥૨॥
સખી રે જત3 ગયા પછી જતી મરે જો,
સત ગયા પછી સતી રે ।
પત4 ગયા પછી કોય મરે જો,
નગર ગયા પછી નગરપતિ રે... પ્રાણ꠶ ॥૩॥
સખી રે ફળ રહિત રંભા5 જે કોયે રહે,
તે તો અર્થ શે આવે રે ।
નિષ્કુળાનંદના નાથ વિયોગે,
માગ્યું મોત ક્યારે ન આવે રે... પ્રાણ꠶ ॥૪॥ પદ ॥૫॥